Gjuetia po vazhdon për copat e një meteori që u rrëzua pranë Cairns, Australi, të shtunën mbrëma. Topi i zjarrit meteoroid, i cili lëshoi një nuancë neon-jeshile teksa shpërtheu nëpër atmosferë, ndriçoi qiellin pas përplasjes dhe trembi qytetarët. Ngjarja e pabesueshme astronomike u kap nga një kamera sigurie në aeroportin e Cairns, me pamjet që u bënë virale.
Ne dëshmuam një aktivitet mjaft të jashtëzakonshëm në qiellin tonë mbrëmë.
Videoja ka emocionuar 45,000 adhurues të hapësirës që i përkasin grupit në Facebook Australian Meteor Reports. Disa prej tyre tani thuhet se janë duke kërkuar për mbetjet e meteorit. Shkëmbi besohet se ka rënë diku afër qytetit të vogël të Croydon, rreth 250 milje nga Cairns. Kryetari i bashkisë së Croydon Shire, Trevor Pickering tha për ABC Australia:
Kam dëgjuar se njerëzit mund të vijnë duke e kërkuar atë. Duhet të ketë pjesë të saj të shtrira diku. Gjetja e vendit do të ishte e vështirë, por unë në fakt do të doja të vendosja një helikopter dhe të bëja një fluturim rreth e rrotull.
Profesori Paulo De Souza nga Universiteti Griffith tha për ABC se ai beson se ishte një meteorit i zakonshëm metalik, për shkak të ngjyrës blu dhe jeshile që lëshonte ndërsa flakëronte nëpër qiell. Gjetja e ndonjë mbetjeje të shkëmbit hapësinor do të ishte jashtëzakonisht e vështirë.
Duhet të fitosh një llotari për të gjetur një copë guri vërtet të veçantë që vjen nga një vend unik.
Ndërkohë, profesor Phil Bland, nga Shkolla e Tokës dhe Shkencave Planetare të Universitetit Curtin, shpjegoi se, në shumicën e rasteve, një meteor i tërë “digjet dhe asgjë nuk zbret”. Megjithatë, për shkak të “bumit zanor” të ndjerë nga disa banorë në Croydon, profesori beson se gjuetarët e meteorëve mund të kenë fat këtë herë.
Ka një shans që diçka të ketë rënë.