Të paktën 18 trupa emigrantësh u gjetën në Bullgari në një kamion të braktisur në një fshat afër Sofjes, njoftoi Ministria e Brendshme bullgare.
“Sipas informacioneve fillestare, kamioni po transportonte emigrantë të paligjshëm, rreth 40 persona në total, të cilët fshiheshin nën lëndën drusore që transportoheshin me kamion”, tha ministria, sipas Reuters.
Të mbijetuarit janë dërguar në spital për të marrë ndihmën mjekësore, thuhet në njoftim.
