Shpërthim tritoli në Vlorë, fatmirësisht pa të lënduar. Lënda plasëse ishte vendosur poshtë një makine tip “Audi” në pronësi të shtetasit Ermal Kasa, 31-vjeç, me banim në Elbasan, i cili punon si ekonomist në një restorant në zonën e Ujit të Ftohtë. Automjeti gjendej i parkuar në lagjen “Pavarësia” të qytetit bregdetar jugor dhe pësoi dëmtime në pjesën e përparme. Policia nisi hetimet.
Njoftimi zyrtar i Policisë:
Më datë 30.05.2022, rreth orës 02:55, në lagjen “Pavarësia”, Vlorë, në automjetin tip “Audi”, në pronësi të shtetasit E. K., 31 vjeç, banues në Elbasan, ka shpërthyer një sasi lënde, e dyshuar eksplozive, ku si pasojë ka vetëm dëme materiale. Grupi hetimor po punon për zbardhjen e plotë të rrethanave të ngjarjes.