Gjithë mediat dhe portalet ‘shpërthyen’ nga video ku dukej policia teksa arrestonte Fjolla Morinën për akuzën e armëmbajtjes pa leje. Gjykata Themelore në Prishtinë caktoi masën e sigurisë 40 ditë paraburgim për këngëtaren, e cila u arrestua 2 ditë më parë pasi ishte shpallur në kërkim për armëmbajtje pa leje, e dënuar në mungesë me 6 vite burg.
Masa e paraburgimit do llogaritet prej momentit kur Morina është arrestuar me 19 korrik 2021.
Megjithatë, Fjolla Morina ka publikuar në rrjete sociale, më saktë në llogarinë e saj në Facebook, një fotografi ku mban në krah vajzën e saj të vogël, teksa duket se është në një resort shumë luksoz me pishinë. Këngëtarja ka vendosur krahas fotos ditën dhe orën e shkrepjes.
Jo vetëm kaq, por Fjolla ka komentuar në lajmin e një portali ku thuhet “Një ndjekje kronologjike- Si i erdhi fundi arratisë së Fjolla Morinës?”.
Çfarë gënjeshtrash ju portalet
Nëse është me të vërtetë Fjolla, ajo që fshihet pas këtij aktiviteti në llogarinë e saj në Facebook, teksa shteti ka deklaruar që ajo është në paraburgim është një shkelje shumë e madhe e ligjit dhe këngëtarja e tregon këtë pa asnjë problem duke i bërë karshillëk të gjithëve.
Teksa, kujtojmë se kur ndodhi arrestimi i Fjolla Morinës, avokati i saj Fanol Krasniqi, e përshkroi arrestimin e Fjollës si çnjerëzor.
Fjolla Morina është arrestu në mënyrën më çnjerëzore të mundshme, pasi që te njejtes i dihet adresa e banimit, madje e njejta ka edhe nenshtetesi. Fjolla Morina nuk është thirrë paraprakisht që të intervistohet apo ti tregohet arsyeja e arrestimit. Ajo është arrestu para të gjithë lagjes.Ajo nuk pranoi asnjë urdheresë. Vetëm verbal “Kemi urdhëresë prej shtetit të Shqipërisë se është kërku ekstradimi për veprën të cilën je shpall fajtor.
