Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Bota

Tronditet Amerika, agjentët godasin me kamxhik emigrantët në kufirin me Meksikën!

Pamje shokuese nga Shtetet e Bashkuara! Trondisin imazhet ku shfaqen agjentë kufitarë amerikanë që patrullojnë me kuaj e përdorin kamxhikët kundër emigrantëve të cilët kërkojnë azil në kufirin me Meksikën. Pranë Del Rios në Teksas, ka shpërthyer një krizë e re humanitare, me mbërritjen e mbi 10 mijë personave.

Nga Shtëpia e Bardhë reagoi zëdhënësja Jen Psaki:

E tmerrshme të shohësh! Pashë disa foto, nuk arrij të shoh asnjë kontekst të përshtatshëm në të gjithë këtë. Mendoj se të gjithë i konsiderojnë ato imazhe, të papranueshme e të papërshtatshme. Njerëzit janë të ofenduar që forcat e rendit përdorin kamxhikë apo objekte të ngjashme ndaj refugjatëve, shumë prej të cilëve nga Haiti.

 

Në fakt ky është një rast i sikletshëm sa i përket të drejtave të njeriut për administratën Biden e ministrin e Brendshëm, Alejandro Mayorkas, i pari hispanik që mban këtë post në Shtetet e Bashkuara, gjithashtu djalë refugjatësh kubanë.

Në lidhje me polemikat reagoi Sekretari Amerikan i Shtetit, Antony Blinken.

Emigracioni i paligjshëm imponon rreziqe të mëdha për emigrantët e familjet e tyre. Bisedova me kryeministrin e Haitit, Ariel Henry mbi riatdhesimin e emigrantëve haitianë, si dhe për vështirësitë e emigracionit të parregullt.