Me pseudonimet si “Mali i Miliarderëve” dhe “Hampton of the Hills”, Aspen është vendpushimi më i shkëlqyer i skive në SHBA. Vlerësohet se një avion privat zbret në aeroportin ekskluziv të qytetit çdo gjashtë minuta. Këtë vit, resorti elegant i Kolorados feston ditëlindjen e tij të 75-të, me një sërë ngjarjesh të planifikuara për të shënuar këtë rast.
Nëse jeni nisur drejt kodrave të praruara për t’u bashkuar me festën do t’ju duhen njohuritë më të mira. Ne i kërkuam tre vendasve, kuzhinierit Barclay Dodge, stilistit të veshjeve dhe bashkëthemeluesin e ‘Aztech Mountain’, Anthony Heifara Rutgers dhe skiatorit kampion bote, Chris Davenport që të na japin ide mbi të jetuarit në qytetin më elegant të skive të Amerikës së Veriut. Atëhere ne ju prezatojmë:
“The Little Nell”
‘The Little Nell’ është e vetmja pronë me pesë yje e Aspen-it me ski. Si rezultat, është një magnet për të famshmit, të cilët shpesh mund të shihen rreth zjarrit në dhomën e ndenjes, ose duke shijuar një koktej në Wine Bar-in e rinovuar. “Sa herë që gruaja ime dhe unë kemi nevojë për një qëndrim të vogël, ne zgjedhim gjithmonë “The Little Nell”- thotë Davenport. “Përveç shtretërve më të rehatshëm ku kam fjetur ndonjëherë, stafi është gjithmonë miqësor dhe ushqimi në ‘Element 47’ është i jashtëzakonshëm.”
“Hotel Jerome”
Hotel Jerome ka qenë një pikë referimi në Aspen që nga lulëzimi i minierave të argjendit të qytetit në vitet 1880. Sot hoteli me pesë yje mbetet përsëri një vend fantastik, duke përzier pa probleme luksin modern me hijeshinë e ngrohtë malore. “Jerome është hoteli më i mirë për mua,” thotë Dodge. “Ajo ka këtë karakter të pasur kauboj, histori dhe shije të perëndimit të vjetër, ndërsa ofron shërbime të nivelit të lartë.”
“Aspen Meadows”
I vendosur në skajin perëndimor të qytetit, ‘Aspen Meadows’ është një vend i shenjtë i izoluar në 40 hektarë privatë, i përshtatur nga pamje mahnitëse të maleve shkëmbore. I famshëm për dhomat e tij të gjumit të mëdha (më të voglat janë 500 metra katrorë), është gjithashtu ëndrra e një adhuruesi të arkitekturës, duke bashkuar artin dhe peizazhin për të krijuar një tokë mrekullisht të frymëzuar nga Bauhaus. “Perla e fshehur për mua është Aspen Meadows”, thotë Rutgers. “Është një pronë e pabesueshme për ata që duan paqe dhe qetësi, për të mos përmendur artin dhe arkitekturën e çmendur për të eksploruar.”
“Aspen Mountain”
I njohur për vendasit si “Ajax”, mali i Aspenit është i mbushur me terrene të avancuara, duke përfshirë zbritje të pjerrëta, vrapime të gjata, teknika me pemë, ku të gjitha konvergojnë në tavernën legjendare ‘Ajax’ (patate të skuqura me tartuf parmixhano këtu janë një porosi e domosdoshme. “Ajax është i preferuari im, është një nga malet më të mira të skive në të gjithë Amerikën e Veriut”, thotë Dodge. “Në veçanti, vrapimet që dua janë T-5, SQR dhe Kristi. Thjesht ski spektakolare.”
“Aspen Highlands”
‘Aspen Highlands’ është në thelb një kreshtë e gjatë, me vrapime. Atraksioni i yjeve është ‘Highland Bowl’. “Kam 30 vjet që bëj ski në këto male, por nëse do të më duhej të zgjidhja një, do të ishte Highlands”, thotë Davenport. “Më pëlqen absolutisht të eci në Highland Bowl dhe zakonisht ka borën më të mirë në Kolorado.”
“Buttermilk”
Pavarësisht reputacionit të tij si një parajsë për fillestarët, ‘Buttermilk’ nuk është vetëm për fillestarët, në fund të fundit, ai ka lojërat Winter X që prej 20 vitesh. Këtu do të gjeni parqet më të mira të terrenit të Aspenit. “Unë u rrita duke bërë ski në “Buttermilk” dhe tani si baba është vendi i vetëm ku do të marr vajzën time,” thotë Rutgers. “Ka shtigje pemësh që vazhdojnë për ditë të tëra.”
Dhoma e ndjenjes në “The Jerome”
Hunter S Thompson dikur hipi në një kalë në hotelin Jerome për të porositur një uiski, por dhoma e mrekullueshme e ndenjes në holl është një çështje shumë më e civilizuar këto ditë. Skiatorët mblidhen në lokalin me sofër për të shijuar shëndetin e mirë të njëri-tjetrit mbi një sërë koktejesh mbresëlënëse. “Më pëlqen dhoma e ndenjes në Jerome. Oxhaku i madh, ambienti dhe dekori i përgjithshëm kombinohen vërtet bukur,” thotë Dodge. “Lista e koktejve është gjithashtu fantastike, gjë që gjithmonë ndihmon.”
“Chica”
Chica, një bar-restorant fantastik që shërben nga kuzhina latino-amerikane me kokteje jashtëzakonisht të shijshme, duke përfshirë edhe tartufin e zi të modës së vjetër. “Pas një dite në mal, më pëlqen të shkoj në Chica për një nga Chica-Ritas-in e tyre të njohur përpara se të kaloj pranë skive të mrekullueshëm për të parë se kush është përreth dhe çfarë ka të re në qytet,”-thotë Dodge.
“Highlands Ale House”
Highlands Ale House është ndërtesa për të cilën betohet skiatori kampion Davenport. “Vendi im i preferuar këto ditë është “Highlands Ale House. Vend i mrekullueshëm për të pirë një pije nën rrezet e diellit. As 75 uiski në menunë e kësaj bujtine të dashur për skijim nuk bëjnë dëm.”
“Bosq”
Nuk është për t’u habitur që Dodge rekomandon Bosq, ai është kuzhinier dhe bashkëpronar i institucionit lokal, në fund të fundit. Restoranti intim në qendër të qytetit, shpesh rezervohet dy ose tre javë përpara. “Mendoni një arratisje moderne alpine, një hapësirë e pastër me tone gri, dizajn skandinav dhe muzikë të zjarrtë që kalon nëpër ajër,”-thotë Dodge.
“Cache Cache”
Një restorant i këndshëm që shërben ushqime të shkëlqyeshme, dhoma komode e ngrënies e Cache Cache mbetet një nga pikat kryesore për t’u parë në Aspen. Vendasit entuziazmohen pas gaforreve me salcë, por për Rutgers, ka vetëm një zgjedhje: “Unë shkoj në Cache Cache sepse e dua pronarin dhe sepse vdes për troftën milaneze”.
“Meat & Cheese”
‘Meat & Cheese’ e përshkruajnë djathin e tyre në veçanti të një klasi botëror. “Më e preferuara është sanduiçi me parmixhan dhe patëllxhanë dhe fëmijët e mi e duan gjithashtu pulën me waffles”, thotë Davenport.
“Aspen Historical Society”
Aspen ndihet me të vërtetë krenare për skenën e tij të artit dhe kulturës. Një vizitë në Muzeun e Artit të Aspenit e projektuar nga Shigeru Ban do t’ju tregojë këtë qytet të vogël malor. Por për Rutgers, ylli i vërtetë është ‘Aspen Historical Society’, me grupin e saj magjepsës dhe joortodoks të muzeve të përhapur në të gjithë qytetin. “Kushdo që është i ri në Aspen duhet së pari të marrë pasaportën e tij të vulosur në këtë vend”-thotë pronari i ‘Aztech Mountain’. “AHS është e pabesueshme në misionin e saj për të ruajtur historinë e larmishme dhe plot ngjyra të Aspen.”
Taverna “Woody Creek”
Një tjetër vendpushim i gazetarit Gonzo Thompson, taverna Woody Creek është një bar i çuditshëm kaubojsh rreth 15 minuta me makinë nga qendra e Aspenit. Duke dalë nga shtëpia, me bukuri të rehatshme, menuja e saj kohët e fundit ka marrë një përmirësim të madh, por ende mund të mbështeteni tek ajo për të shërbyer margaritat më të mira në qytet.
Shtëpia e gatimit “Pine Creek”
Shtëpia e gatimit ‘Pine Creek’ është një kasolle me trungje e vendosur mes maleve Elk, rreth 30 minuta me makinë nga Aspen. Por për ushqimin e tij të shijshëm alpin, me theks te gjahu i egër dhe peshku i freskët, ia vlen përpjekja, sipas Dodge. “Nëse do të mund të veçoja një perlë të fshehur për vizitorët, do të ishte Pine Creek,” thotë ai. “Është një eksperiencë e jashtëzakonshme ngrënieje, e bërë edhe më e veçantë nga fakti se mund të arrish atje vetëm me këpucë bore, ski ose karrocë me kuaj.”
