UEFA shpërndau sot një video promovuese të finales së UEFA Conference League që do të zhvillohet të mërkurën më 25 maj në Tiranë. Në këtë sfidë do të përballen italianët e Romës dhe holandezët e Feyenoord-it.
Duke përcjellë pamje nga kryeqyteti shqiptar, i cili është veshur me ngjyrat e festës dhe është gati të presë tifozët e të dyja skuadrave për këtë festë të madhe sportive, UEFA shkruan:
Mirësevini në Tiranë, kryeqytetin e Shqipërisë! Ngrini duart lart nëse do të jeni në finalen e UEFA Conference League!
☀️ Welcome to Tirana, the capital of Albania 👋
Hands up if you'll be at the #UECLfinal 🙋 pic.twitter.com/zq0QiGfAeE
— UEFA Europa Conference League (@europacnfleague) May 23, 2022
UEFA fton tifozët të bëhen pjesë e kësaj sfide madhështore. Ky është viti i parë që Ekzekutivi Europian i Futbollit organizon Conference League, një kompeticion krejtësisht i ri europian mes klubeve. Gjithashtu është hera e parë që Tirana dhe Shqipëria presin një finale të një kompeticioni europian.
