Cilësia e plazheve në Europë është përmirësuar ndjeshëm në dekadat e fundit. Sipas një raporti të Agjencisë Europiane të Ambientit, 85% e plazheve në kontinentin tonë tashmë renditen si “të shkëlqyera”. Në raportin vjetor të cilësisë së plazheve janë monitoruar 22 mijë zona detare, liqenore dhe lumore në vendet e Bashkimit Europian, plus në Shqipëri dhe Zvicër, ndërsa është lënë jashtë Mbretëria e Bashkuar, për shkak se tashmë ka dalë nga Unioni.
Befasisht, vendi më i mirë për cilësinë e ujit është shpallur Austria, një shtet që nuk laget nga asnjë det, por gëzon liqene të mrekullueshme. E pikërisht këto liqene kanë marrë në 97,7% të rasteve vlerësimin “të shkëlqyer”. Menjëherë më pas në renditje vijnë vendet mesdhetare, si Malta, Greqia, Kroacia dhe Qipro. Ndërkohë, Franca, një prej vendeve më të shquara për rivierën e saj, ka pësuar rënie në renditje, ndërsa vendin e fundit për cilësinë e ujit në plazhe e mban Polonia, ku vetëm 44,5% kanë marrë vlerësim pozitiv.
Raporti u përpilua pas një pune të autoriteteve lokale dhe kombëtare të shteteve, të cilat morën mostra të ujit nga plazhet e tyre gjatë pikut të sezonit dhe i analizuan për të gjetur lloje të ndryshme bakteresh që tregojnë ndotjen për shkak të përzierjes me ujërat e zeza apo të ujërave që përdoren për bagëtitë.
Ndërkaq njihuni me 10 vendet me cilësinë më të lartë të ujërave të plazheve:
1. Austria (97,7%)
2. Malta (96,6%)
3. Greqia (95,8%)
4. Kroacia (95,7%)
5. Qipro (93,3%)
6. Danimarka (91,9%)
7. Gjermania (90,4%)
8. Bullgaria (89,8%)
9. Lituania (89,2%)
10. Portugalia (88,5%)
Ju jeni të vetëdijshëm për sportet e famshme nënujore si zhytje në skuba, por nëse jeni gati të përjetoni një aventurë të pazakontë që mund të shtojë rrahjet e zemrës tuaj duke ngopur shpirtin prej aventurieri që keni, atëherë ecja në det është diçka që duhet ta keni parasysh patjetër. Po, e lexuat mirë! Ecja me këmbët tuaja nën det dhe prekja e jetës ujore nga afër duket si një aktivitet simpatik dhe emocionues. A nuk është një gjë fantastike kjo?