Design Lifestyle

Vendi perfekt për të qëndruar me të dashurit e zemrës/Si të kujdeseni për kopshtin tuaj tani që dimri po afron!

Në pranverë dhe verë ne shijojmë plotësisht kopshtin tonë, një hapësirë në ajër të hapur për ta ndarë me njerëzit që duam. Por në stinën e ftohtë ne mund të hedhim themelet për të pasur një hapësirë të jashtme absolutisht perfekte, për të jetuar çdo ditë në paqe kur temperaturat rriten. Në fakt, gjatë muajve më të freskët të vitit mund të ndërhyjmë për ta rregulluar atë, duke e lënë më pas barin të pushojë.

Kujdesi për kopshtin në vjeshtë përdoret për t’i rikthyer atij vitalitetin. Fillon në shtator dhe përfundon në tetor. Nuk duhet të jetë shumë nxehtë, temperaturat duhet të bien pak dhe toka duhet të ftohet. Gjatë stinës së nxehtë, toka ruan nxehtësinë e nevojshme që bari të mbijë mirë. Na takon ne ta ndihmojmë natyrën të përgatitet për të ftohtin dhe më pas të rikthehet të lulëzojë në ditët e para të pranverës.

1.Para së gjithash, le të kujtojmë të pajisemi me gjithçka që na nevojitet për të pastruar kopshtin nga gjethet dhe degët, duke përdorur mjetet e duhura të kopshtit.

2.Prisni barin në kopsht, duke e lënë atë jo më shumë se 2-3 centimetra të lartë. Kështu që ne do t’i japim një pastrim të mirë dhe mund të riorganizojmë me kujdes terrenin, duke përgatitur kopshtin për dimër.

3.Për të lejuar që çdo zonë e kopshtit të rritet mirë, duhet të heqim myshkun. Më pas duhet ta ajrosim, në mënyrë që të lejojmë shkëmbimin e ajrit ndërmjet sipërfaqes dhe nëntokës, nëpërmjet mjeteve speciale, përfshirë ato të motorizuara. Kjo duhet të bëhet gjithmonë në pranverë dhe vjeshtë.

4.Përdorni pak pleh të pasur me fosfor për t’i dhënë kopshtit të gjitha lëndët ushqyese dhe mbillni fara aty ku është e nevojshme, në mënyrë që të mbuloni çdo vrimë.

5.Më pas mos harroni ta bëni terrenin linear dhe të lëmuar duke ujitur zonat e plehëruara për të paktën dy javë. Pastaj lëreni kopshtin të pushojë.

Ju rikujtojmë se një ekip teknologësh, me bazë në Tokio, dëshirojnë që vizitorët të përjetojnë një “magji” kur të hyjnë në veprën e re të artit, të quajtur “Kopshti i Luleve Lundruese – Lulet dhe unë jemi të së njëjtës rrënjë, kopshti dhe unë jemi një”. I zbuluar gjatë verës, instalacioni përbëhet nga 13 000 orkide të gjalla. Lulet rriten përgjatë disa telave pothuajse të padukshme për të dhënë përshtypjen se po qëndrojnë pezull në ajër. Sapo t’i afroheni perdes së orkideve, të nxitura nga sensorët, lulet ngadalë fillojnë të ngrihen, duke ju lejuar të hyni në hapësira boshe dhe duke iu diktuar rrugën, para se të ulen përsëri.