Sigurisht që seksi është një përvojë e këndshme por duhet të dini se duhet të prisni deri pas marrëdhënies kur bëhet fjalë për marrjen e vendimeve të mëdha. Ekspertja e seksit në Mbretërinë e Bashkuar, Pippa Murphy tha se janë tre hormone të ndjesive të mira që çlirohen gjatë seksit.
Kjo përfshin dopaminën, endorfinën dhe oksitocinën, të gjitha këto ju bëjnë të ndiheni mirë, më të fokusuar, më të ekuilibruar dhe gjithashtu ju lejojnë të lidheni me partnerin tuaj. Dhe në krye të kësaj, nivelet tuaja të kortizolit (i cili është hormoni juaj i stresit) gjithashtu ulen duke dëshmuar se më shumë seks është i barabartë me më pak stres.
Ajo shpjegoi se seksi siguron një shpërqendrim të përkohshëm nga stresi i jetës së përditshme. Është heqja e këtyre shpërqendrimeve që mund t’ju ndihmojë të keni një mendje të kthjellët, duke hequr qafe mjegullën mendore dhe barrierat që mund t’ju ndalojnë të mendoni drejt.
Urologu në ‘Orlando Health’, Jamin Brahmbhatt tha se trupi dhe mendja kanë një përgjigje specifike pas seksit. Duke folur për ‘Men’s Health’, ai tha se disa burra mund të ndihen të relaksuar dhe të bien në gjumë pas ejakulimit, ndërsa të tjerët mund të ndihen të frymëzuar dhe të gatshëm për të punuar në detyra të tjera. Si për burrat ashtu edhe për gratë, seksi dhe kënaqësia në dhomën e gjumit mund të rrisin aktivitetin në tru.
Megjithatë, ndërsa disa ekspertë thonë se seksi mund t’ju ngrejë lart me humorin, të tjerë paralajmërojnë se për disa njerëz, mund të ketë efektin e kundërt. Disa njerëz përjetojnë ‘disfori postkoitale’, një gjendje kur dikush ka një rënie të menjëhershme të humorit, në vend të një ngritje të menjëhershme dhe ndjenja të qartësisë pas marrëdhënies. Një studim i vitit 2010 zbuloi se 32.9% e njerëzve përjetuan humor negativ pas seksit. Ndërsa shkaku nuk u identifikua, ekspertët thanë se kjo mund të jetë për shkak të traumave të së kaluarës.
Ekspertët thanë:
Kjo tërheq vëmendjen për natyrën unike të disforisë postkoitale, ku melankolia kufizohet vetëm në periudhën pas marrëdhënies seksuale dhe individi nuk mund të shpjegojë pse ndodh disforia.
Rikujtojmë se skenat e nxehta, puthjet dhe seksi pasionant, pas një sherri të bujshëm, janë të zakonshme në filmat romatikë, por të gjithë e dimë se realiteti nuk është shumë ndryshe nga ky skenar. Ekziston një lidhje midis të qenurit i zemëruar dhe i eksituar dhe sipas psikoterapistëve të çifteve dhe ekspertëve të seksit, ka disa arsye përse marrëdhënia intime pas një zënke është aq e zjarrtë.
