Kryeqyteti indian po përgatitet të sigurojë tualete të dedikuara për personat transgjinorë. Administrata e Delhi informoi së fundmi Gjykatën e Lartë se 505 shërbime publike, tashmë të destinuara për personat me aftësi të kufizuara, janë caktuar për personat transgjinorë dhe se punimet për krijimin e banjove të rezervuara të gjinisë së tretë do të ketë prioritetin më të lartë. Sipas asaj që u deklarua, në Delhi tashmë janë 9 tualete të krijuara posaçërisht për personat transgjinorë, ndërsa 56 të tjera janë në ndërtim e sipër.
Administrata e qytetit të madh ishte mbledhur nga një seksion i Gjykatës së Lartë, i cili shqyrtoi ankesën e Jasmine Kaur Chhabra, një e diplomuar në drejtësi dhe aktiviste e të drejtave të komunitetit transgjinor. Chhabra kishte denoncuar mungesën e banjove të dedikuara për transeksualët, duke sqaruar se njerëzit vihen në rrezik ngacmimi dhe sulmi dhe i kishin kërkuar Gjykatës që të ndërhynte.
E drejta për të përcaktuar veten si gjini e tretë u sanksionua në Indi në vitin 2014 nga një vendim nga Gjykata e Lartë. Personat që kanë karakteristika fizike të seksit të kundërt, ose pamja e të cilëve nuk përkon me gjininë në lindje, të njohura në vend si “hixhre”, mund të përkufizohet si i tillë në dokumente dhe gëzon mbrojtje qeveritare.
Këto grupe sociale të pafavorizuara kanë të drejta të punojnë në qeveri, shkolla dhe universitetet, reparte në spitalet kombëtare dhe të kenë tualete publike private të dedikuara për ta. Sipas regjistrimit të fundit, nga viti 2011, në Indi ka gjysmë milioni persona transgjinorë, por vlerësohet se në realitet ata arrijnë pothuajse tre milionë.
