Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Horoskopi

Zbuloni katër shenjat e Zodiakut që kanë më tepër humor!

Të gjithë njerëzit kanë një anë të tyre më serioze dhe një tjetër më humoristike. Megjithatë, duhet të dini se personat që i përkasin disa prej shenjave të Zodiakut, kanë më tepër humor se të tjerët. Zbuloni katër shenjat e Zodiakut me më tepër humor, për të kuptuar kështu me kë të qëndroni për disa momente më të lumtura.

Peshorja

Personat e lindur midis 22 shtatorit dhe 22 tetorit janë ata që i përkasin shenjës së Peshores. Peshorja është e bekuar me një sens të veçantë humori, teksa e kryeson këtë listë. Kush shoqërohet me të ka momente të panumërta humoristike dhe argëtuese. Ajo është pa komplekse teksa jo vetëm e tregon një ngjarje humoristike, por edhe e improvizon atë.

Binjakët

Personat e lindur midis 20 majit dhe 20 qershorit i përkasin shenjës së binjakëve. Binjakët mund të vijnë me një breshëri shakash dhe ju mos ta kuptoni nga buruan ato. Ata janë të bekuar pasi arrijnë të bëjnë shumë shpejt për vete dikë me anë të humorit të tyre. Arti i të folurit i ndihmon ata, teksa jo vetëm më humorin por edhe me sharmin, arrijnë të jenë shpirti i festës.

Virgjëresha

Shenjës së virgjëreshës i përkasin ata që kanë lindur mes 22 gushtit dhe 22 shtatorit. Virgjëresha shpeshherë duket si tepër e fokusuar, por ajo është shumë e mirë në të fiksuar shaka dhe t’i riprodhojë ato në mënyrën perfekte. Humori i tyre është paksa më i veçantë dhe jo lehtësisht i kuptueshëm nga të gjithë. Virgjëresha ndoshta nuk duket gazmore fillimisht, por miqtë e saj e dinë sa humoristike është ajo.

Shigjetari

Shigjetar është dikush i lindur nga 21 nëntori deri në 21 dhjetor. Një shigjetar ka një aftësi perfekte në të gjetur humor edhe në detajin më të vogël. Pikërisht kjo është ajo që e bën shigjetarin qendrën e grupit të tij shoqëror. Shigjetari është argëtues dhe tepër pozitiv. Ai ka një aftësi jo vetëm t’ia dalë mbanë në grupe të mëdha shoqërore, por edhe t’i bëjë të gjithë pjesëtarët e grupit të qeshin pafund.