Konferenca e Kryetarëve pritet të mblidhet mesditën e së martës për të caktuar datën e mbajtjes së raundit të tretë për zgjedhjen e Presidentit të ri.
Konferenca do të mbahet në orën 14:30 dhe vjen pas djegies së raundit të dytë.
Deri tani në Kuvend nuk është propozuar asnjë emër për President, duke bërë që dy votimet e para të cilësohen të kryera.
Sot në mbledhjen e Komisionit të Ligjeve, zyrtarisht u konstatua se nuk ka një kandidat për presidentin e ri të vendit, ndërsa u miratua raporti që do t’i depozitohet Kuvendit për votim.
Kushtetuta përcakton se një kandidat për president propozohet me firmat e 20 deputetëve.
Në raundin e tretë, Kushtetuta përcakton se kreu i shtetit zgjidhet me shumicë të cilësuar, 84 vota.
Në raundin e katërt dhe të pestë, Presidenti zgjidhet me shumicë të thjesht, me 71 vota.