Aktualitet Politikë

Zhdukja e Ervis Martinajt, Berisha: Rama e di se ku ndodhet!

Ndërsa vazhdon misteri për fatin e Ervis Martinajt dhe zyrtarisht ende nuk ka një reagim nga institucionet lidhur me vendndodhjen e tij, për këtë çështje foli sot Sali Berisha. Sipas kreut demokrat, Rama e di se ku ndodhet, ndërsa nuk kurseu as Prokurorinë, duke i kërkuar të thyejë heshtjen, si dhe i bëri thirrje të marrë në pyetje Baton Haxhiun e Mero Bazen. Komentet i bëri në mbledhjen e grupit parlamentar të PD-së:

Nuk ka sektor në të cilin ky nuk i ka shtrirë tentakulat e veta. Ia morën lojërat e fatit Ervis Martinit dhe tani thotë ku është. E di vetë ai ku është. Ai ishte biznesmen i lojërave të fatit. Olsi Rama është përfolur si njeriu në hije i lojërave të fatit.

Shko e pyet Baton Stanishiçin dhe Ymer Çorapen se ata e dinë. A nuk shkruajtën ata se është në gjashtë copa në Prokurori.
Një njeri i zhdukur dhe një shtet bandit që thotë se është në gjashtë copa në prokurori.

Do thoni ju, nuk e tha Fuga, por e thanë Fugat e tij. A ka njerëz më të afërt? A nuk ishte Baton Stanishiçi që na thoshte para tre muajsh se Linda është për presidente. Ai nuk e thoshte nga mendja e tij. Ai është zëdhënës i familjes në këtë formë.

Po kjo çfarë prokurorie është që thuhet se mban një trup me gjashtë copa dhe nuk bën një përgënjeshtrim? Sepse kontrollohet nga Rama. Nëse është në gjashtë copa, familja njoftohet. Eshtë kod shekullor.