Zvicra ka hequr te gjitha masat kufizuese për shqiptaret qe duan te udhëtohet drejt saj. Ministria e Puneve te Jashtme bën me dije se nga data 2 maj situata kthehet ne kushtet para pandemisë pa asnjë kufizim.
NJOFTIMI
Ministria për Evropën dhe Punët e Jashtme njofton se autoritetet zvicerane kanë hequr të gjitha masat shtrënguese për shtetasit shqiptarë që udhëtojnë drejt Zvicrës.
Ky vendim hyn në fuqi nga data 2 maj 2022, duke rikthyer kështu aplikimin e regjimit për hyrje-dalje nga territori i Konfederatës së Zvicrës në periudhën para pandemisë.
Nga ana tjetër në Itali, “Sapo është miratuar në Dhomën e Deputetëve një amendament në komision, i cili parashikon përdorimin e maskave në disa ambiente të mbyllura, në transportin rrugor në distanca të gjata dhe lokale, spitalet dhe qendrat shëndetësore, RSA, në kinema, teatro dhe sallat sportive të mbyllura.
Rekomandohet mbajtja e maskës në të gjitha vendet me rrezik infektimi deri më 15 qershor.
“Sot do të formoj një urdhëresë që do të jetë një urë lidhëse në kohën e nevojshme për konvertimin e dekretit.” Kështu tha ministri i Shëndetësisë Roberto Speranza.
Maskat do të jenë të detyrueshme në ambiente të mbyllura “deri më 15 qershor në transportin publik lokal dhe në distanca të gjata, në shfaqjet në kinema, teatro dhe në të gjitha ngjarjet dhe garat sportive që zhvillohen në ambiente të mbyllura”, tha ministri i Shëndetësisë, duke folur në konferencën për shtyp. Speranza ka njoftuar se së shpejti do të nënshkruajë një urdhëresë për shtrirjen e maskave të brendshme në këto zona.
“Në të gjitha vendet e tjera të punës, duke përjashtuar ato në sektorin shëndetësor dhe spitalet, “pa dallim mes publikut dhe privatit, maska vetëm do të rekomandohet”. Kështu deklaron nënsekretari i Shtetit për Shëndetësinë, Andrea Costa. “Me miratimin në Komision në Dhomën e amendamentit të dekretit të fundit Covid në muajin mars, përfundon detyrimi për përdorimin e maskave praktikisht kudo, përveç disa zonave.”
