Takimi i tyre ishte dashuri me shikim të parë dhe që prej atij momenti, ata nuk u ndanë më nga njëri-tjetri. Bëhet fjalë për këngëtarin, Machine Gun Kelly dhe aktoren e famshme, Megan Fox. Ata u takuan për herë të parë në muajin Mars në sheshxhirimet e një filmi në Porto Riko.
Madje, ata u shfaqën bashkë në publik për herë të parë në ceremoninë e ndarjes së çmimeve “American Music Awards” para tre ditësh.
Pikërisht tre ditë pas daljes së tyre publike, mediat e huaja bëjnë me dije se Megan ka firmosur divorcin nga partneri prej 10 vitesh, Brian Austin Green. Bëhet e ditur se Megan dhe Brian e kanë firmosur divorcin në të njëjtën ditë. Martesa e tyre 10-vjeçare mori fund, e ndërkohë Megan po shijon lidhjen e re. Madje ajo ka bërë edhe një tatuazh për Machine Gun Kelly, duke shkruar emrin e tij në shpatull, në gjuhën spanjolle. Dyshja duket se janë më të dashuruar se kurrë! 
