Rusia po shkëputet nga Bashkimi Evropian dhe presidenti Putin po përdor të gjitha mjetet, përfshirë dezinformimin, për të siguruar mbijetesën dhe për të luftuar opozitën. Përfaqësuesi i Lartë i BE-së Josep Borrell shkroi gjithashtu në Twitter se “Vlerat liberale dhe demokratike të Europës konsiderohen nga Moska si kërcënim për ekzistencën e saj”.
Borell theksoi se javën e ardhshme lista e zyrtarëve rusë që do të preken nga sanksionet evropiane mund të bëhet operacionale. Për më tepër, për Borrell, BE-ja kërkon veprime më të forta kundër dezinformimit dhe sulmeve kibernetike nga Rusia.
Me Moskën është e nevojshme të gjesh një ‘modus vivendi’ për të adresuar çështjet, që nga energjia bërthamore iraniane, te klima, te furnizimet e energjisë. Unë mendoj se udhëheqësit e BE do të flasin për këtë në samitin në fund të marsit.
