Kuriozitete | Top Albania Radio

Në Arizona të Shteteve të Bashkuara, një fëmijë vetëm 18 muajsh u gjet gjallë në morgun e një spitali, disa orë pasi ishte shpallur i vdekur nga mjekët. Vogëlushi u nxor pa ndjenja nga pishina e banesës së familjes. Mjeku e shpalli atë të vdekur rreth një orë pas mbërritjes në spital por zhvillimi mori një kthesë të papritur rreth pesë orë më vonë, kur punonjësit e zyrës së mjekut ligjor konstatuan se fëmija po merrte ende frymë në morg.

Një burrë që shkoi në një argjendari dhe u shtir si klient gëlltiti një unazë me vlerë 35 mijë paund. Ai po përpiqej që t’a vidhte. Punonjësit u përballën me të dhe si pasojë burri futi gishtat në fyt dhe e nxori unazën që kishte gëlltitur. Unaza e fejesës përmbante një diamant të madh të prerjes “princess”, si dhe disa diamante të tjerë më të vegjël të vendosur përgjatë shiritit prej platini.

Është zbuluar në Indi marrëdhenia 4-vjeçare mes një dhëndri dhe vjehrrës së tij, e cila kulmoi me martesën e tyre. Të dy thuhet se kanë rënë dakord të largohen nga shtëpia dhe të deklarojnë lidhjen e tyre në gjykatë. Burri dhe vjehrra e tij u kërkuan njerëzve ta pranonin marrëdhënien e tyre dhe t’i bekonin.

Një shuplakë në fytyrë vetëm sepse, sipas tij, gruaja nuk fliste mjaftueshëm. Një 44-vjeçar moldav është dënuar me gjashtë muaj burg nga Gjykata e Ferrarës për dhunë fizike ndaj bashkëshortes së tij, po ashtu shtetase moldave. Burri u përfshi në një debat me gruan, duke e akuzuar se nuk komunikonte dhe nuk ishte në gjendje të shprehte mendimet e saj.

Një letër e rrallë që është konsideruar si “më e shtrenjta në botë” ka tërhequr vëmendje të madhe në botën e koleksionistëve, jo për përmbajtjen e saj, por për vlerën rekord që ka arritur në treg. Bëhet fjalë për një dokument historik që është shitur për miliona dollarë, duke u bërë një nga objektet më të çmuara në filateli dhe koleksionimin e dokumenteve të vjetra.

Param Tanna dhe Adam Greenstreet nga Britania thyen rekord botëror Guinness duke ngritur tendën e tyre për dy persona në një kohë prej 1 minutë e 4.95 sekondash.

70 vjet pasi Walt Disney hapi parkun dhe resortin Disneyland, “Vendi më i Lumtur në Tokë” i Kalifornisë mirëpriti mysafirin e tij të miliardtë, vogëlushin 11 vjeçare nga Arizona.

Një banor i Çikagos ka fituar një xhekpot prej 1.3 milion dollarësh në Lotarinë Lucky Day. Ky moment i bukur vjen 15 vjet pasi fitoi një çmim të konsiderueshëm në të njëjtën lojë.

Robotët humanoidë janë dizajnuar jo vetëm për punë fizike, por edhe për “shoqëri emocionale”. Kjo industri zhvillohet në Shenzhen, Kinë, në një nga qendrat më të mëdha teknologjike në botë, ku kompani si Ubtech Robotics po prodhojnë robotë që ecin, flasin dhe përshtaten me përdoruesin. Disa modele madje mund të ndërrojnë vetë baterinë, duke e bërë funksionimin e tyre pothuajse të pavarur.

Në një mision eksplorimi në Oqeanin Paqësor, studiues nga Universiteti i Tokios dhe Universiteti i Hokkaidos zbuluan katër sfera misterioze të zeza si katran të bashkangjitura në një shkëmb në një thellësi prej afërsisht 6,200 metrash. Zbulimi u bë duke përdorur një automjet nënujor të drejtuar nga distanca që vepronte në zonën humnerore, një nga pjesët më të thella të oqeanit.

Një çift thuhet se ka nënshkruar një “marrëveshje” ku gruaja pranon të mos e shqetësojë partnerin e saj gjatë javës së parë pas publikimit të lojës GTA VI. Marrëveshja parashikon që burri të ketë kohë të pandërprerë për të luajtur gjatë periudhës së hedhjes në treg të lojës, duke e konsideruar këtë si “kohë e mbrojtur për lojë”. Pas kësaj periudhe, rutina normale e çiftit do të rikthehej.

Kotelja e një familjeje nga Michigani është zyrtarisht mbajtëse e rekordit botëror Guinness, pasi një veteriner verifikoi se kishte lindur me 28 gishta në këmbë. Koteleja 10-muajshe barazoi rekordin për numrin më të madh të gishtave në këmbë në një mace, i cili më parë ishte vendosur nga një kafshë shtëpiake kanadeze me emrin Jake në vitin 2002.

Astronomët kanë zgjidhur më në fund misterin e të ashtuquajturit “planeti rozë”, një objekt i vendosur 57 vite dritë larg Tokës, që prej më shumë se një dekade kishte sfiduar shkencëtarët. Falë vëzhgimeve të kryera me Teleskopin Hapësinor James Webb, studiuesit zbuluan se atmosfera e GJ 504 b përmban avuj uji, metan, dioksid karboni, amoniak dhe, për herë të parë, re kripe, një zbulim që konfirmon parashikimet e bëra nga astronomët më shumë se 15 vite më parë.

Një 38-vjeçar nga Karolina e Veriut, i cili pretendon se ka penisin më të vogël në botë, ka nisur një fushatë për mbledhjen e fondeve me qëllim financimin e një ndërhyrjeje kirurgjikale për zmadhimin e tij. Michael Phillips thotë se organi i tij gjenital është rreth 0.97 centimetra i gjatë në ereksion të plotë dhe se kjo gjendje i shkakton probleme serioze në jetën e përditshme, veçanërisht gjatë urinimit.

Një ekip ndërkombëtar shkencëtarësh ka zbuluar se njerëzit dhe majmunët e mëdhenj kanë ruajtur të njëjtën tipar të të qeshurës për rreth 15 milionë vjet. Për të studiuar origjinën e të qeshurës, studiuesit gudulisën katër orangutanë, tre bonobo, dy gorila dhe katër shimpanze dhe regjistruan përgjigjet e tyre. Analiza tregoi se të gjithë të qeshurat e majmunëve të mëdhenj kanë një ritëm izokronik, shpërthimet e zërit ndodhin në intervale afërsisht të barabarta.

Një ekip studiuesish ka zbuluar një specie të re peshkaqeni, e panjohur më parë për shkencën, gjatë një ekspedite kërkimore në ujërat e Papua Guinesë së Re. Zbulimi rrit në dhjetë numrin e specieve të njohura të gjinisë Hemiscyllium, të njohura ndryshe si “peshkaqenët që ecin”. Specia e re, e quajtur Hemiscyllium dugeonae, u identifikua gjatë një zhytjeje nate.

Një çift vëllezërish dhe motrash nga Karolina e Veriut që përdorin ditëlindjet familjare për të luajtur lotari së bashku, përfunduan duke fituar një çmim prej 25,000 dollarësh në vit për gjithë jetën. Ata përdorën një seri numrash që përfaqësonin ditëlindjet familjare për biletën dhe përfunduan duke përputhur të pesë topat e bardhë në short.

Qentë në Francë po hajnë akullore për t’i mbijetuar valës së të nxehtit. Në një strehë kafshësh pranë Parisit, qentë po freskohen në pishina, ujë të ftohtë dhe me akullore speciale të bërë nga lëngu i mishit.

Papagalli Spoods në Karolinën e Jugut u emërua zyrtarisht si më i vjetri në botë në moshën 32 vjeç e 86 ditë. Guinness konfirmoi se zogu i Amanda Beth, është papagalli më i vjetër që jeton. Papagallët zakonisht jetojnë 15-20 vjet në robëri.

Një skateboarder udhëtoi nga Kalifornia në Florida në vetëm 39 ditë në një përpjekje për të thyer rekordin e tij botëror Guinness. Chad Caruso bëri udhëtimin prej më shumë se 3,000 miljesh nga Venice Beach, Kaliforni, në Jacksonville, Florida, midis 1 majit dhe 8 qershorit, duke përshkuar mesatarisht 72 milje në ditë.

Një ekip arkeologësh ka zbuluar një qytet të panjohur më parë të qytetërimit maja, të fshehur thellë në rezervatin natyror Calakmul në Meksikë dhe të mbuluar nga xhungla për më shumë se një mijëvjeçar. Vendbanimi i lashtë, i quajtur Minanbé, është ruajtur në mënyrë të jashtëzakonshme dhe konsiderohet një nga zbulimet më të rëndësishme arkeologjike të viteve të fundit në rajon.

Një fosil i thjeshtë, i harruar për dekada në një sirtar në Britani, është konfirmuar si kocka e parë e një dinosauri të zbuluar ndonjëherë në Antarktidë. Fosili ishte gjetur fillimisht në vitin 1985 në ishullin James Ross

Një burrë nga India pretendon se nuk është ulur asnjëherë për gati 12 vite, si pjesë e një betimi fetar për t’iu përkushtuar Zotit. Ai ka kaluar më shumë se një dekadë duke qëndruar vazhdimisht në këmbë.

Zëri i fuqishëm i një australiani i siguroi atij një rekord botëror Guinness kur lëshoi një britmë të matur në 122.4 decibel. “Kur isha fëmijë, nuk kisha zë të lartë, isha shumë i turpshëm, duke i mbajtur të gjitha të fshehura derisa mbarova shkollën dhe u bashkova me teatrin”, tha Joseph McGrail-Bateup.

Ndarja kirurgjikale e binjakeve të bashkuara nga Filipinet u përfundua me sukses në Riad në një operacion jashtëzakonisht të vështirë gjashtëorësh, të kryer nga një ekip i specializuar mjekësor kirurgësh. Operacioni i ndarjes së Olivia dhe Gianna Manuel në Spitalin Specialist të Fëmijëve King Abdullah, u bë me pjesëmarrjen e 22 mjekëve të specializuar nga specialitete të ndryshme. Binjaket lindën të bashkuara nga kraharori deri në bark, një formë veçanërisht e rrallë dhe komplekse e binjakëve të bashkuar.

Një specie e re merimange e zbuluar në pyjet tropikale të Ekuadorit po tërheq vëmendjen e komunitetit shkencor për mënyrën e saj të pazakontë të kamuflimit. Bëhet fjalë për Taczanowskia waska, një merimangë që imiton me përpikmëri pamjen e një kërpudhe parazitare për t’u mbrojtur dhe për të mbijetuar në natyrë. Sipas ekspertëve, kjo është hera e parë që Gibellula, e njohur për infektimin e merimangave të tjera.

Një rast i pazakontë është raportuar në Korenë e Jugut, ku një grua 63-vjeçare përfundoi në spital pasi konsumoi një kallamar të gatuar dhe më pas ndjeu një dhimbje të fortë në gojë. Gjatë ekzaminimit, mjekët zbuluan 12 struktura të vogla të ngjitura në mishrat e dhëmbëve, gjuhë dhe faqe. Fillimisht u mendua se bëhej fjalë për organizma të vegjël detarë, por analizat treguan se ato ishin në fakt spermatofore kallamari, kapsula që përmbajnë spermën e kallamarit mashkull.

Një prodhues japonez ëmbëlsirash ka krijuar atë që pretendohet të jetë çokollata më e hollë në botë, një fletë çokollate me trashësi vetëm 0.03 milimetra. Produkti quhet Corteccia dhe është krijuar nga pastiçieri japonez Matte. Kjo çokollatë nuk vjen në formën klasike të një tabele, por si një shtresë jashtëzakonisht e hollë që mbështillet në formë cilindri.

Një kompani kineze ka prezantuar një nga pajisjet më të pazakonta të teknologjisë së shtëpisë: një tualet robot me inteligjencë artificiale që mund të lëvizë vetë dhe të vijë pranë shtratit të përdoruesit kur ai ka nevojë. Pajisja quhet Xiaoban dhe është krijuar nga kompania kineze Yueban. Tualeti robot është projektuar kryesisht për persona të moshuar, njerëz me aftësi të kufizuara ose me vështirësi në lëvizje.

Një ekip mjekësh ka realizuar transplantin e parë në botë të mushkërive nga një dhurues HIV-pozitiv te një pacient HIV-pozitiv. Procedura konsiderohet një arritje historike, pasi zgjeron mundësitë për transplantim te personat që jetojnë me HIV, duke shtuar numrin e dhuruesve potencialë që më parë nuk mund të merreshin në konsideratë.

Një studim i fundit shkencor ka ngritur një teori të re mbi fatin e Tokës, duke sugjeruar se planeti ynë mund të mos përfundojë i përpirë nga Dielli, siç është menduar për dekada me radhë. Sipas kërkimit, gjatë fazës së fundit të jetës së tij, Dielli pritet të zgjerohet ndjeshëm, por njëkohësisht do të humbasë një pjesë të madhe të masës së vet. Kjo humbje mund të krijojë erëra të fuqishme diellore që do ta shtynin orbitën e Tokës më larg, duke i dhënë planetit një mundësi të vogël për t’i shpëtuar shkatërrimit.

Një zbulim i jashtëzakonshëm arkeologjik në Sllovakinë jugperëndimore ka nxjerrë në dritë të paktën 77 skelete njerëzore pa kafka, të datuara rreth 7,000 vjet më parë, duke ngritur pyetje të reja mbi ritualet dhe praktikat mortore të komuniteteve të hershme bujqësore në Evropë. Mbetjet u zbuluan në vendbanimin neolitik të Vráble Veľké Lehemby, një nga qendrat më të mëdha të njohura të kulturës së Qeramikës Lineare. Shumica e trupave ishin vendosur në fund të një hendeku dhe mungonin pothuajse të gjitha kafkat.

Një incident i pazakontë ka ndodhur në plazhin Pedocin të Triestes, i njohur si plazhi i vetëm në Europë ku burrat dhe gratë pushojnë në zona të ndara me mur. Përplasja ndodhi kur një grua e re, e cila ndodhej në plazh së bashku me partnerin e saj, vendosi të qëndronte në sektorin e rezervuar për burrat. Ajo u afrua nga një tjetër pushuese, e cila i kërkoi me mirësjellje të respektonte rregullat e plazhit dhe të zhvendosej në zonën për gratë.

Një 85-vjeçar nga Florida ka përfunduar në prangat e policisë pasi u kap duke tejkaluar shpejtësinë dhe duke drejtuar makinën me 170 kilometra në orë. I arrestuari është shtetasi William Bosworth, i cili mbante veshur një kapelë xhokej, syze dielli dhe një puro në gojë.

Në varret parahistorike në Siberi, shkencëtarët kanë gjetur dëshminë më të vjetër në botë të një shpërthimi të murtajës. Zbulimi rishkruan historinë e një prej sëmundjeve më me ndikim në historinë e njerëzimit. Varret, në brigjet e lumit Angara, përmbanin mbetje nga disa breza gjuetarësh-mbledhës, së bashku me objekte arkeologjike si maja shigjetash që datojnë rreth 5,500 vjet më parë. Kur studiuesit bënë teste gjenetike mbi dhëmbët e skeleteve, ata gjetën ADN-në e bakterit që shkakton murtajën në rreth 40% të tyre.

Një dokument i nënshkruar nga udhëheqësi sovjetik Joseph Stalin në shtator të vitit 1944 u shit në ankand për rreth 14,000 dollarë. Dokumenti është shënuar si “tepër sekret” dhe përmban informacion në lidhje me armët e destinuara për mbrojtjen e Talinit, Rigës dhe Varshavës. Në krye të faqes së parë është firma e Stalinit me laps blu.

Një robot humanoid ka arritur të ngjisë majën e vullkanit Chimborazo në Ekuador. Roboti, një Unitree G1 i modifikuar i quajtur Pemba, ishte pjesë e një misioni në majë, e cila ndodhet në një lartësi prej 6,200 metrash. Ngjitja është faza e parë e një misioni ambicioz robotik “Triple Crown” që mund ta çojë atë edhe në Everest.

Autoriteti Portual i Massachusetts theu zyrtarisht një Rekord Botëror Guinness duke krijuar një top futbolli me diametër 47.9 metra. Topi i futbollit, i instaluar në Piers Park II në East Boston, u miratua nga Guinness World Records dhe zyrtarisht mori titullin e topit më të madh të futbollit në botë nga një top prej 39.98 metrash i krijuar në Katar në vitin 2013.

Një zbulim i jashtëzakonshëm në Afrikën e Jugut po sfidon atë që shkencëtarët kanë besuar për dekada mbi momentin kur paraardhësit e njeriut mësuan të kontrollonin zjarrin. Zbulimi u bë në shpellën Wonderwerk, një vend i njohur për gjetje të rëndësishme prehistorike. Studiuesit identifikuan eshtra gjitarësh të djegur që datojnë deri në 1.79 milionë vjet më parë, duke shtyrë ndjeshëm pas në kohë një nga dëshmitë më të hershme të përdorimit të kontrolluar të zjarrit.