Vera nuk ka aspak pushim për Dafina Zeqirin. Një tjetër bashkëpunim i shtohet listës së saj dhe këtë herë bashkon forcat sërish me Alban Skënderaj. Hiti i tyre “Copa Copa”, do të pasohet nga “E para/i pari”. Ata ndanë një video në rrjetet sociale ku zbuluan një pjesë nga kënga. Pak ditë më vonë, u bë edhe publikimi zyrtar në kanalin e Youtube.
Së fundmi, Elvana ka publikuar këngën me videoklip të projektit muzikor “Si Na”, të cilën këngëtarja e këndoi për herë të parë në dasmën e Luiz Ejllit dhe Kiara Titos në finales e “BBV2”. Por këtë radhë, ajo ka sjellë ‘versonin negativ’ të saj, e cila ndryshe nga versioni i parë i këndon ndarjes. Një koment në Instagramin e këngëtares ka arritur të zbulojë se së shpejti mund të kemi “Dekada 2”. Elvana Gjata zgjodhi që t’i përgjigjej komentit “Bëj një koncert tjetër në gusht në stadium se do këndojmë më mirë herë tjetër se ja morëm dorën”.
Dhurata Dora është një nga këngëtaret shqiptare më të dashura për publikun, jo vetëm për zërin e mrekullueshëm që ka, por edhe për përformacat interesante që sjell. Kanë kaluar vetëm pak javë nga publikimi i këngës së saj të re, e cila ishte një bashkëpunim me Noizyn dhe titullohet “Kalle”. Duket se Dhurata ka punuar edhe për një projekt tjetër paralelisht dhe ka publikuar një tjetër këngë e re që titullohet “Pa Mu”. Ndërkohë, një këngëtare e re në tregun shqiptar, SYTË, ka publikuar projektin e saj titulluar “Bungee Jumping” sjellur në gjuhën angleze.
Powered by The Top List © / Top Awards ©
