Luiz Ejlli rikthehet në listë, e këtë herë me një bashkëpunim. Ai bashkon forcat me Lindon për të sjellë “Ëndërr”. Bennito sjell këngën e tij të re “Bomb”, e cila është e tillë me plot kuptimin e fjalës. Elvana Gjata po ashtu është një artiste që nuk mungon kurrë me projektet e saj. Ajo ka surpizuar këtë herë fansat me “Grada”, një këngë pak më ndryshe dhe shumë e fuqishme.
Nga ana tjetër, këtë javë kemi një rihyrje në playlist. Bëhet fjalë për “Të dua” nga Anxhela Peristeri dhe G-Bani, e cila ka qenë pjesë e listës muzikore që një vit më parë dhe ka ardhur sërish në vëmendje. Duket se fansat e G-Banit kanë qenë mjaft aktiv që pas hyrjes së tij në “Big Brother VIP” dhe kanë risjellë po ashtu dhe një këngë të vjetër të artistit, “Ditlindja”, një hit i disa viteve më parë. Rina dhe Dafina Zeqiri bëhen pjesë e “Albanian’s Hot Top 30” me projektet e tyre “Alo” dhe “Qika”. Tre emra të rinj i shtohen listës këtë javë. Bëhet fjalë për DEYZOH me “T’KAM DASHT”, Frank Ibrahimi me “Vegim”, si dhe TZA, i cili ka bashkuar forcat me Llunin duke sjellë “Shqipez on the run”.
Powered by The Top List © / Top Awards
