Albanian’s Hot Top 30, vjen këtë javë me një prezencë të theksuar të dy prej artistëve më të mirë të skenës, Mc Kresha dhe Lyrical Son. Dyshja kanë publikuar albumin e tyre “Salihi x Ferizi” dhe katër këngë bëhen menjëherë pjesë e kësaj playlists. Ky koleksion këngësh sjell ritmet më të mira të hip-hop-it shqiptar dhe ndjeshmërinë e muzikës moderne.
Mc Kresha dhe Lyrical Son, me stilin e tyre unik, vijnë me “Dy Fjalë” – një këngë me tekst të thellë dhe mesazh të fortë. Me “Hooligan Swag”, në bashkëpunim me Nuke, sjellin energji të lartë dhe vetëbesim që dominojnë skenën. “Pretty Gal” me Geasy është një këngë ritmike, që i këndon ‘asaj gocës së bukur’.
“Me kon po shihesh” rikthehet te temat e ndjenjave dhe xhelozisë me një beat të ngrohtë dhe tekst të drejtpërdrejtë. Në fund, Elvana Gjata me “Lumja Toka” sjell një baladë emocionale që feston jetën, rrënjët dhe forcën e gruas shqiptare.
Powered by The Top List © / Top Awards
