Karol G vjen në playlist-ën e kësaj jave të Top Albania Rasio-s jo me një, por me dy projekte. I pari është bashkëpunimi me DENNIS, MC Kevin o Chris, Maluma në remiksin “Tá OK”. Një këngë mjaft ritmike me ritme verore që është tipike e këtyre artistëve. Teksa kënga e saj e dytë vjen solo dhe ka një titull që e dimë që të paktën do t’ju kuriozojë, “Mi ex tenía razón”, (ish-i im kishte të drejtë). Por se pse apo për çfarë, ju mbetet ju ta zbuloni pasi ta dëgjoni.
Fred again.. ka sjellë një këngë të re me Obongjayar, këngëtarin nigerian me bazë në Londër, që quhet “adore u”. Dy artistët debutuan këngën së fundmi në Çikago gjatë fundjavës në festivalin Lollapalooza, dhe tani ajo është publikuar për kënaqësinë e publikut të gjerë në çdo platformë muzikore.
Artisti i mirënjohur norvegjez Alan Walker është rikthyer me një këngë krejt të re, “Endless Summer”. Kënga, një bashkëpunim me kantautorin britanik Zak Abel, shfaqet pikërisht kur vera arrin kulmin e saj. Melodia e hareshme e rrymës dance-pop përmbledh në mënyrë të përsosur frymën e gëzueshme dhe të shkujdesur të sezonit.
