“Single Soon” është hiti i ardhshëm veror i Selena Gomez, i regjistruar fillimisht për albumin e saj të tretë në studio “Rare” dhe më vonë u hodh poshtë, megjithatë kënga u ripunua dhe u publikua më 25 gusht 2023 së bashku me një video muzikore shoqëruese. Në një postim në Twitter ajo tha se dëshironte të publikonte një këngë të vogël argëtuese, e cila do të ishte perfekte për fundin e verës.
Joel Corry, MK dhe Rita Ora janë bërë bashkë për një super hit në fund të verës, titulluar “Drinkin”. Kënga u prodhua nga Joel Corry, MK, Neave Applebaum dhe Jon Shave. Ajo u publikua më 25 gusht 2023 e shoqëruar së bashku me një videoklip në kanalin zyrtar të Joel-it në YouTube. Ndërkohë, kënga u shkruajt nga një sërë artistësh si: Joel Corry, Neave Applebaum, MK, Jon Shave, Samantha Harper, Chance the Rapper, Kevin Rhomberg dhe KAYTRANADA.
French Montana dhe Swae Lee kanë sjellë bashkëpunimin e radhës, pas hitit të vitit 2012 titulluar “Unforgettable”. Projekti i tyre kësaj here titullohet “Wish U Well”, i cili është shoqëruar gjithashtu me një videoklip. Kënga u prodhua nga vetë Montana së bashku me Rick Steel dhe Boi-1da. Ajo u publikua zyrtarisht më 25 gusht 2023. Ky bashkëpunim midis dy reperave pritet të jetë mjaft i suksesshëm.
