Coma Cose sjell “Cuoricini”, një këngë e butë pop me tekste të ndjeshme, që flet për dashurinë dhe brishtësinë e saj. Mahmood vjen sërish me një tjetër këngë të tijën duke shprehur lidhje të thella emocionale, “Sottomarini”. Një këngë rock i bashkohet listës së javës nga Imagine Dragons, të cilët sjellin “Dream”, duke përcjellë dhe një mesazh të fortë.
Aloe Blacc vjen këtë javë me “Love In Control”, një këngë soul me mesazh fuqizues, që flet për kontrollin e dashurisë dhe forcën në situata të vështira. Nëse mezi po prisni verën, kemi këngën e duhur për ju, “Next Summer” nga Damiano David. E për pak energji dhe atmosferë disi më provokuese, Sean Paul dhe Inna bashkojnë forcat në “Let It Talk To Me”.
Për ju që pëlqeni të festoni, kemi hitin e duhur nga Steve Aoki, Trippie Redd, Jessica Baio dhe Kabu, “Radio”, një miks i muzikës elektronike dhe hip-hop, që krijon një atmosferë të gjallë dhe festa. Apo dhe “Pa Ques Lo Bailes” nga Lomiiel. E për ju që ndiheni paksa të paqartë në ndjenjat tuaja, ju ftojmë të dëgjoni “Sorry I’m Here For Someone Else nga Benson Boone, një këngë pop me tekst të ndjeshmë që flet për pendesën dhe ndërlikimet e dashurisë së paqartë.
