Nëse flasim për hite të pavdekshme, të gjithë biem dakord për një emër… Michael Jackson. Mbreti i popit vjen në playlist-ën e kësaj jave të Timeless me këngën “Liberian Girl”, e cila na ka shoqëruar për dekada me radhë. E nëse flasim për një brez tjetër, ku popi si rrymë përfaqësohet më së miri, përmendim këtu The Weeknd, artistin e dhjetra projekteve kaq shumë të dashura për audiencën. “Can’t Feel My Face” do të jetë si himn i kësaj jave.
Ju rikujtojmë “Breathe Easy”, për të gjithë ju të apasionuarit pas këngëve romantike. Projekti i Blue, edhe pas shumë vitesh është kolona zanore e historisë së dashurisë së shumë çifteve. Po ashtu vjen në vëmendje bashkëpunimi aq i bujshëm mes Elton John dhe Dua Lipa, “Cold Heart”. E një ekstrem tjetër për këtë javë, “I Was Made For Lovin’ You” nga Kiss do të ‘buçasë’ nga radio e makinës suaj…
