Modelja britanike Daisy Lowe ka tërhequr vëmendjen e ndjekësve me fotografitë e saj më të fundit nga pushimet romantike para lindjes së fëmijës së dytë.
37-vjeçarja, e cila është në pritje të një vajze me bashkëshortin e saj Jordan Saul, publikoi në rrjetet sociale disa imazhe artistike ku shfaq barkun e rrumbullakosur të shtatzënisë, duke pozuar pa veshje në një ambient natyror dhe relaksues gjatë asaj që njihet si “babymoon”, pushimi i fundit i çiftit para ardhjes në jetë të foshnjës.
Në fotografitë që kanë marrë mijëra pëlqime, Daisy duket e qetë dhe e lumtur, ndërsa shijon këtë periudhë të veçantë të jetës së saj. Ajo ka ndarë me ndjekësit edhe momente familjare së bashku me Jordan dhe vajzën e tyre, Ivy, e cila sipas modeles mezi pret të bëhet motër e madhe.
Daisy njoftoi në muajin shkurt se ishte shtatzënë për herë të dytë, vetëm pak muaj pasi kurorëzoi dashurinë me Jordan Saul në një ceremoni romantike.
Në postimin e saj të parë për shtatzëninë, ajo zbuloi se familja po kthehej nga muaji i mjaltit me një “udhëtar shtesë”, ndërsa tregoi se barku i saj po rritej me shpejtësi.
Modelja, e njohur për stilin e saj të veçantë dhe paraqitjet pa komplekse, ka folur shpesh në intervista për dashurinë ndaj mëmësisë dhe mënyrën se si ardhja në jetë e vajzës së saj Ivy i ka ndryshuar jetën.
Tashmë, ajo po përgatitet të zgjerojë familjen edhe me një tjetër vajzë, ndërsa vazhdon të ndajë me fansat momente nga kjo periudhë e lumtur.
