Në Branson West, Missouri, ndodhet një prej pronave më të jashtëzakonshme në SHBA, Evergreen Crystal Palace. Me pamje spektakolare të liqenit Table Rock, kjo vilë prej 25,000 metrash katrorë u ndërtua në vitin 1991 nga Robert W. Plaster, një filantrop dhe milioner i njohur që themeloi Empire Gas.
Pas vdekjes së Plaster në vitin 2008, ai la testamentin që vila të shitej dhe të ardhurat të shkonin për fondet e studentëve. Fillimisht, prona u nxor në treg për 80 milionë dollarë nga Fondacioni Robert W. Plaster. Megjithatë, mungesa e blerësve solli uljen e çmimit në 49 milionë dollarë, por pasuria mbetet ende pa pronar.
E ndërtuar mbi një kodër 200 metra mbi liqen, vila përmban një dizajn unik prej mermeri dhe xhami, duke ofruar pamje panoramike dhe një hapësirë të gjallë luksoze. Pasuria përfshin 365 hektarë tokë dhe një gamë të gjerë të lehtësirave luksoze.
12 suita për mysafirë, dy dhoma kryesore gjumi dhe katër zyra. Një garazh me hapësirë për më shumë se 20 makina dhe një platformë për ulje helikopterësh. Një poligon qitjeje për të fiksuarit pas armëve.
Për më tepër, brenda vilës janë zbuluar dy kapsula kohe, të cilat do të hapen në vitet 2042 dhe 2092, duke shënuar përvjetorët e ndërtimit të saj.
Ndërkohë që vila është bosh prej vitesh, ajo mbetet e paprekur dhe duket si e ngrirë në kohë. Çdo detaj, përfshirë mobiliet dhe peshqirët me logon Evergreen, është ruajtur në gjendjen origjinale.
Agjenti i pasurive të paluajtshme, Ken Coleman, e përshkruan vilën si një “kapsulë kohe të ngrirë”, ku gjithçka duket sikur i përket viteve ’90.
Me një histori unike dhe një arkitekturë të jashtëzakonshme, Evergreen Crystal Palace është një pronë që pret të gjejë blerësin e saj ideal, një vizionar që vlerëson luksin dhe historinë.
