Një shqiptar në Angli, Kujdes Dauti, i dënuar në Belgjikë për trafikim njerëzish, ia ka dalë me sukses të bllokojë ekstradimin e tij për shtatë vite.
Ai ishte arrestuar në Londër në vitin 2018 pas një urdhri arresti të lëshuar nga Belgjika, por është ende i lirë për shkak të vonesave në procesin e ekstradimit.
Pavarësisht dënimit me 7 vite burg në Belgjikë, Dauti ka publikuar foto duke luajtur futboll online.
Gazeta “The Sun on Sunday” bën me dije lajmin.
Megjithëse kanë kaluar shtatë vite nga miratimi ekstradimit drejt Belgjikës, ai ka mundur me sukses për një procesi apelimi ta bllokojë atë.
Gjatë kohës kur gjykata ekstradimeve e la të lirë me kusht, Kujdesi Dauti banues në Elm Park në Lindje të Londër është përfshirë në një tjetër krim.
Sipas kësaj gazete britanike, Kujdesi Dauti në vitin 2023 pranoi akuzat për grabitje makine dhe është në pritje të marrjes së dënimit.
Për t’u ekstraduar drejt Belgjikës, bashkë me Kujdesi Dutin, në Angli janë arrestuar edhe dy shqiptarë të tjerë, Alket Dauti dhe Sabah Zeka. Alket Dauti i lindur në fshatin Golaj të Kukësit, sipas prokurorëve belg ishte koka e një rrjeti kriminal në trafikun e shqiptarëve me kamion drejt Anglisë.
Alket Dauti vuan në burgjet belge një dënim prej 12 vitesh pasi u ekstradua në Belgjikë në 2019-tën.
Sabah Zeka një tjetër ushtar i Alket Dautit u arrestua në Londër në 2018 dhe ende nuk është ekstraduar për të vuajtur 7 vite burg në Belgjikë. Për një shqiptar të fshehur në rimokion e kamionit ata merrnin 8.000 stërlina ndërsa në kabinën e shoferit 13.000 stërlina.
Gazetarët e The Sun kontaktuan me Kujdesi Dautin, i cili u kërkojë të mos publikojnë asgjë për të.
Por kur gazetarët i thanë se kjo është në interes të publikut Kujdesi Dauti u tha: “E kujt i plas për publikun”.
Ndërsa nga prokuroria Belge për këtë rast The Sun iu tha se “kjo është një çmenduri. Ai ka shtatë vite që ka marrë dënimin dhe vijon mos të jetë pas hekurave. Ai është duke luajtur me sistemin britanik të drejtësisë“.
