Këtë të diel iu dha lamtumira e fundit ish-kryeministrit Fatos Nano, i cili u nda nga jeta dy ditë më parë.
Gjithsesi, avokati Spartak Ngjela, ka reaguar me tone të ashpra sa i përket vendit ku do të prehet përgjithmonë ish-kryeministri.
LEXO EDHE: “Sa të paskan dashur, Fatos…”, kryeministri Rama: Edhe ata që s’të lanë shkop ndër rrota pa të vënë…
Ai thotë se Nano duhet të prehet në varrezat e personaliteteve të kombit dhe jo në ato të zakonshme të Sharrës.
Postimi i plotë i Spartak Ngjelës:
Turp kombëtar dhe fyerje e personalitet të Republikës së Shqipërisë
Sot në Tiranë, tre herë kryeministrin e Shqipërisë, shkëlqesinë e tij zotin Fatos Nano, po e varrosin në varrezat e zakonshme në Tiranë.
Dhe kjo është një shkelje e rëndë kundër historisë së Shqipërisë dhe ndjenjës kombëtare, karakterit dhe personalitetit të Republikës së Shqipërisë dhe vetë shoqërisë shqiptare.
LEXO EDHE: Shqipëria në zi për vdekjen e Fatos Nanos, mbahen homazhet në Pallatin e Kongreseve!
Urgjentisht ky akt duhet të ndalohet sa më shpejt që të jetë e mundur, dhe shkëlqesia e tij, Fatos Nano, të vendoset në Varrezat e Personaliteteve të Kombit shqiptar.
Me respektimin sublim për
Kryeministrin e Shqipërisë Fatos Nano
Spartak Ngjela
2 nëntor 2025
