Një shpërthim në rrugën e njohur Istiklal në Stamboll të Turqisë raportohet se ka shkaktuar disa të plagosur, disa burime flasin për 11 të lënduar. Ende e paqartë nëse ka viktima.
Kryebashkiaku i Stambollit Ekrem Imamoglu tha:
Eshtë thelbësore të ndihmojmë policinë dhe ekipet tona shëndetësore në lidhje me shpërthimin në rrugën Istiklal e të shmangim postimet që mund të shkaktojnë frikë dhe panik.
Bugün saat 16.20 sıralarında Beyoğlu ilçemiz, Taksim İstiklal Caddesi’nde bir patlama meydana gelmiştir.
Olay yerine emniyet, sağlık, itfaiye ve AFAD ekiplerimiz sevk edilmiştir.
Can kaybı ve yaralılarımız bulunmaktadır.
Gelişmeler kamuoyuyla paylaşılacaktır.
— Ali Yerlikaya (@AliYerlikaya) November 13, 2022
Çfarë dihet deri tani?
Videot e shpërndara në mediat sociale tregojnë shumë njerëz në tokë të dëmtuar si pasojë e shpërthimit. Autoambulanca dhe policia kanë mbërritur në vendngjarje.
Mediat turke raportojnë se shpërthimi u regjistrua në orën 16:20 me atë lokale. Zjarri përfshiu rrugën e mbushur me njerëz ndërsa kalimtarët që deri në ato momente ecnin të qetë, nisën të vraponin të frikësuar.
Në mediat sociale, u raportua se rruga Istiklal, pranë sheshit Taksim, u rrethua dhe dyqanet u mbyllën. Rruga Istiklal kalon nëpër lagjen qendrore Beyoglu, ku kanë shtëpi shumë shtetas të huaj, si dhe frekuentohet masivisht nga turistët.
