Nevina Shtylla është një nga prezantueset më të ëmbla të televizionit shqiptar edhe pse nuk është shpesh në qendër të portaleve për skandale apo jetën e saj personale që e ruan në mënyrë hermetike.
E pyetur para disa ditësh në ‘Wake up’, ’, bukuroshja nuk ngurroi të na tregonte pak për planet e së ardhmes e bëhet fjalë pikërisht se kur do të bëhet nuse me të vërtetë Nevina, pasi shpesh e kemi parë nëpër fotosesione apo pasarela të veshur si e tillë. Përgjigja e saj jo shumë entuziaste ishte se “Ndonjëherë mendoj se aq shpesh sa e kam veshur fustanin e bardhë, nuk di a do doja ta vishja edhe vetë. Ose më saktë, nuk jam nga ato vajzat që rri akoma dhe fle me ëndrrën: Si do të dukem nuse. Unë e kam ezauruar këtë pjesë.”
Por, ditën e djeshme në emisionin ‘E Diell’ Nevina na shtoi dyshimet se mund te jetë duke e menduar këtë gjë, pasi dha një koment që tregoi se ishte shaka, por kot nuk thonë shakaja gjysma e të vërtetës.
Nevina Shtylla: Ju lutem shumë mos m’i prekni më zarfet.
Ed Manushi: Thash t’i ruajmë këto që të ndajmë ftesa për vit të ri.
Nevina Shtylla: Mos kishe mendjen për ndonjë dasëm o ti.
Ed Manushi: Dasëm e përmendi vetë.
Nevina Shtylla: Jo timen jo (Duke qeshur).
Është përfolur prej vitesh tanimë lidhja e moderatores Nevina Shtylla me juristin Arbër Myftari, madje para disa muajsh vetë ajo publikoi një Instastory krah tij, por duke i fshehur portretin. Ndaj tanimë që gjërat janë serioze mes tyre nuk është çudi që të kemi një dasëm në horizont.
Nevina gjithashtu u shpreh se dhe nëse një ditë do të vendoste të martohej do të zgjidhte fustanin më të thjeshtë në botë.
