Atletet e bardha njihen për rehatinë dhe stilin e tyre që s’del kurrë nga moda. Prej vitesh ato janë bërë një element i domosdoshëm në garderobë, pasi mund të kombinohen me pothuajse çdo veshje, nga xhinset klasike te kostumet sportive. Megjithatë, një nga kombinimet më elegante dhe moderne mbetet ai me fustanet. Kontrasti mes një fustani femëror dhe një palë atletesh sportive krijon një pamje që s’dështon kurrë së dukuri yll. Mund të kombinoni një fustan romantik me atlete chunky ose një model minimalist me një palë atlete retro për një rezultat që duket njëkohësisht chic dhe pa u lodhur.
Adidas Samba
Modeli që vazhdon të dominojë rrugët e modës edhe këtë sezon. Linjat retro dhe silueta e hollë e bëjnë zgjedhjen perfekte për t’u kombinuar me fustane midi, modele me lule ose fustane të bardha verore.
Nike Air Max 90
Për ato që preferojnë një stil më sportiv, Air Max 90 janë alternativa ideale. Ato krijojnë kontrast të bukur me fustanet romantike dhe i japin pamjes një vibe më urban.
New Balance 530
Komode, moderne dhe shumë të preferuara nga fashionistet. Këto atlete shkojnë mjaft mirë me fustane të gjata, saten apo modele minimaliste në nuanca neutrale.
Veja Campo
Nëse ju pëlqen estetika e pastër dhe elegante, Veja Campo janë një investim i sigurt. Dizajni i tyre minimalist kombinohet lehtësisht me fustane linoje, modele të bardha ose veshje në stilin “quiet luxury”.
Puma Palermo
Një tjetër model retro që po rikthehet fuqishëm. Me siluetën e tyre klasike, Puma Palermo i japin karakter edhe kombinimit më të thjeshtë dhe duken fantastike me fustane mini ose modele me frymëzim nga vitet ’90. Një truk stilimi që funksionon gjithmonë është të kombinoni një fustan të bardhë me atlete po aq të bardha për një pamje të pastër dhe elegante. Nëse preferoni diçka më të guximshme, zgjidhni fustane me ngjyra të forta dhe lërini atletet e bardha të krijojnë ekuilibrin perfekt.
