Së fundmi, Abby De La Rosa ka sjellë në jetë fëmijën e saj të tretë me komedianin Nick Cannon, një vit pasi mirëpritën djemtë binjakë. DJ 32-vjeçare lindi vajzë, duke e bërë Cannon baba për herë të 12-të. Ata e kanë quajtur vogëlushen Beautiful Zeppelin Cannon. Cannon përmes një fotoje të publikuar në Instagram me të porsalindurën ka shkruar:
Mami @hiabbydelarosa të dua! Ti i bën të gjitha të duken kaq të lehta dhe pa mundim, por unë i jam përgjithmonë borxhli punës tënde të palodhshme me përkushtim të vazhdueshëm, përpjekje të zellshme dhe dashuri vetëmohuese që u jep fëmijëve tanë dhe vetes. Beautiful është e privilegjuar të ketë një nënë kaq të dashur. Elasticiteti dhe forca jote nuk kalojnë pa u vënë re. Të shikoj të buzëqeshësh në çmendurinë e botës dhe çmendurinë time të vazhdueshme, është kaq mbresëlënëse. Nuk kalon ditë që të mos mbushem me mirënjohje për gjithë kujdesin tënd, dashamirësinë dhe frymëzimin. Faleminderit! Ti je përkufizimi i palëkundur dhe i virtytshëm dhe është detyra ime e vazhdueshme të bëj ty dhe fëmijët tanë të ndiheni të vlerësuar dhe të mbrojtur çdo ditë!
https://www.instagram.com/p/Ck2yDEfr-ee/?hl=en
Rikujtojmë, se De La Rosa dhe Cannon mirëpritën binjakët Zion dhe Zillion në qershor 2021. Së fundmi, Alyssa Scott ka konfirmuar se është shtatzënë me fëmijën e 11-të të Cannon përmes disa fotografive që ka publikuar në rrjete sociale. Modelja publikoi dy foto në Instagram, ku shfaqej në një vaskë bashkë me yllin e “Masked Singer”.
Ndërkaq, Cannon ka shtatë fëmijë të tjerë me katër gra të tjera. Komediani u bë baba për herë të nëntë rreth një muaj më parë nga romanca me modelen 40-vjeçare, LaNisha Cole. Më pas komediani dhe modelja Brittany Bell u bënë sërish prindër. Prezantuesi i “Wild ‘N Out” zbuloi se modelja 34-vjeçare është shtatzënë me fëmijën e tyre të tretë së bashku dhe të dhjetin për të.
