Mariah Carey dhe Anderson .Paak po punojnë së bashku në muzikë të re, dhe duket se bashkëpunimi i tyre ka kaluar kufijtë profesionalë.
Sipas burimeve për “Us Weekly”, mes dy artistëve është duke lindur një romancë, e cila nisi në studio dhe gradualisht u shndërrua në diçka më personale.
Në një intervistë të fundit për “Track Star”, Anderson zbuloi se është duke punuar në albumin e ri të divës së popit.
Në një klip që po qarkullon gjerësisht në rrjetet sociale, ai shihet i veshur me një bluzë të Mariah Carey-t dhe nuk fsheh emocionet kur dëgjon këngën e saj të famshme “Always Be My Baby”.
E kam dashur që në klasë të pestë
– u shpreh ai me buzëqeshje, ndërsa skuqej nga turpi.
Zërat për një lidhje mes tyre nisën që në dhjetor, kur të dy u fotografuan duke ecur dorë për dore në Aspen.
Ata janë parë bashkë sërish në mars, duke ushqyer spekulimet për një marrëdhënie romantike në zhvillim.
Anderson .Paak, i cili ka dy djem nga martesa me Jaylyn Chang (nga e cila kërkoi divorc në janar 2024), thuhet se po kalon shumë kohë me Mariah dhe është përqendruar te lidhja me të.
Dyshja ndajnë gjithashtu përvojën e të qenit prindër – Mariah është nënë e binjakëve Moroccan dhe Monroe, nga martesa me Nick Cannon.
Fansat janë të entuziazmuar për këtë dyshe të re, si në muzikë ashtu edhe në jetë, ndërsa pritet me kuriozitet çdo zhvillim i ri nga ky bashkëpunim i veçantë.
