Argjentina po përgatitet për të krijuar biftekun më të madh në botë të llojit milaneze napolitane, një ushqim me mish dhe djathë parmixhan, traditë e Italisë dhe Amerikës Latine. Bifteku krijohet me rastin e ditës “Milaneze” në Lujan, në periferi të Buenos Airesit. Ky lloj ushqimi është një ndër më të dashurit në Argjentinë dhe bazohet në llojin “milaneze” italian i bërë nga shpatullat e viçit.
Menaxheri i projektit, Cristian Ibarlucia thotë se milanezi peshon 926 kg, është katër metra i gjatë dhe tre metra i gjerë, me një trashësi prej 3 centimetrash, duke u bërë kështu milanezi më i madh në botë. Megjithatë ende nuk është bërë certifikimi nga Libri i rekordeve botërore Guinness.
Kemi kontrolluar në Rekordet Botërore Guinness dhe agjenci të tjera certifikimi në botë, por nuk kishte asgjë. Ndaj vendosëm ta vërtetojmë nëpërmjet një noteri publik, i cili nga nesër na lehtëson ta certifikojmë me Rekordet Botërore Guinness apo çdo subjekt tjetër që zgjedhim.
Version i milanezit napolitan që thuhet se është krijuar në vendin e Amerikës Jugore, gatuhet me salcë domate dhe djathë të shkrirë sipër. Dita e “milanezes” është një ditë vjetore festimesh për të përkujtuar pikërisht pjatën më të preferuar të amerikano-jugorëve.
