Xheneta Fetahu ka emocionuar publikun me rrëfimin e saj të sinqertë në emisionin “S’e luan topi”, ku foli hapur për ndjenjat e saj të forta ndaj ish-banorëve të “Big Brother VIP Albania”, veçanërisht për Gjestin.
Kam qenë rrugës për t’u dashuruar dhe e kam ndal veten
– u shpreh Xheneta, duke lënë të kuptohet se lidhja e tyre emocionale kishte qenë më e thellë sesa ishte parë nga jashtë.
Ajo tregoi se për një kohë të gjatë kishte luftuar me ndjenjat e saj, duke tentuar t’i fshehë, edhe pse brenda vetes ndjente diçka të fortë.
Edhe pse nuk e përmendi me emër Gjestin, aludimet ishin të qarta.
Nuk dua të them kush ka qenë, sepse me atë gjë kam luftuar me veten, sidomos pas Big Brother-it. Kam ndier diçka brenda, por nuk doja ta pranoja
– u shpreh ajo.
Në vijim, Xheneta foli edhe për raportin e krijuar mes Gjestit dhe Eglit brenda shtëpisë, duke thënë:
Nuk e di nëse ka luajtur me mua apo me personin tjetër (Eglin). Ende nuk e kam të qartë nëse ndjenjat e tij kanë qenë të sinqerta apo pjesë e lojës.
Megjithatë, pavarësisht gjithë konfuzionit dhe lëndimit, ajo ruan respekt për ish-partnerin e saj.
Unë me atë person dua thjesht të kem respekt, sepse në momentet e mia më të vështira ai ka qenë aty, dhe për këtë jam mirënjohëse gjithë jetën
– tha Xheneta me emocion.
Në përfundim, ajo pranoi se nuk dëshiron t’i rikthehet debateve apo komenteve që janë bërë gjatë reality show-t:
Unë mbyll sytë dhe veshët për çfarë ka thënë në Big Brother VIP Albania, sepse e ka bërë për lojën. Por, s’mund ta mohoj që më ka lënduar ta shoh aty, duke bërë të njëjtat gjëra që më bënte mua.
