Një 76-vjeçar, i cili mendohet se është kryetari i familjes më të madhe në botë, ka ndërruar jetë. Ziona Chana, nga India, vdiq në një spital duke lënë pas 38 gra, 89 fëmijë dhe 36 nipër e mbesa.
Lajmi për vdekjen e 76-vjeçarit u konfirmua nga kryeministri i Mizoram, Zoramthanga, i cili shprehu ngushëllimet me në të një postimi në Twitter.
Mizoram dhe fshati Baktawng Tlangnuam, u bënë një atraksion turistik i madh në vend për shkak të familjes së Chana.
With heavy heart, #Mizoram bid farewell to Mr. Zion-a (76), believed to head the world's largest family, with 38 wives and 89 children.
Mizoram and his village at Baktawng Tlangnuam has become a major tourist attraction in the state because of the family.
Rest in Peace Sir! pic.twitter.com/V1cHmRAOkr— Zoramthanga (@ZoramthangaCM) June 13, 2021
Bëhet e ditur se Chana vuante nga diabeti dhe hipertensioni. Gjendja e tij u përkeqësua ndërsa ishte në shtëpi dhe të dielën u dërgua në spital, por nuk arriti të mbijetojë. Ai ishte udhëheqësi i një sekti të krishterë, të quajtur ‘Chana Pawl’, që lejon anëtarët meshkuj të jenë poligamë.
Të gjithë anëtarët e familjes gjigande jetonin në një shtëpi katër katëshe me 100 dhoma, të vendosur në kodrat në fshatin e largët të Baktawng Tlangnuam.
Ndërkaq, Ziona u shpreh gjatë një interviste se:
Ndjehem si fëmija i veçantë i Zotit. Ai më ka dhënë kaq shumë njerëz për t’u kujdesur. Unë e konsideroj veten me fat që jam burri i 39 grave dhe kryefamiljari i familjes më të madhe.
