1. Djersë e kripur
Ashtu si lotët, është normale që djersa të jetë e kripur. Megjithatë, nëse është jashtëzakonisht e kripur deri në atë pikë sa ju djeg sytë dhe ju pickon, atëherë kjo është një shenjë që mund të keni mungesë natriumi.
Një përbërës shumë i rëndësishëm për një trup të shëndetshëm është hidratimi, dhe megjithëse tingëllon e palogjikshme, mund të jeni të dehidratuar kur ju mungon natriumi në dietën tuaj. Ju mund të dëshironi të pini më shumë pije energjike për të rritur elektrolitet që menaxhojnë nivelet tuaja të natriumit dhe kaliumit. Kjo, nga ana tjetër, do të parandalojë djersën super të kripur.
2. Djersiteni me vështirësinë
Trupi i gjithësecilit është i ndryshëm, disa njerëz djersitin më shumë e disa më pak, dhe kjo është e natyrshme. Megjithatë, si çdo gjë tjetër, shumë ose shumë pak nga diçka nuk është normalisht një shenjë e mirë.
Nëse djersiteni me vështirësi në një ditë të nxehtë vere ose gjatë kohës që lëvizni me biçikletë, kjo do të thotë që gjëndrat tuaja të djersës nuk po funksionojnë mirë. Kjo është një gjendje serioze e quajtur anhidrozë dhe mund të prekë të gjithë trupin. Ajo çon në mbinxehje dhe lodhje, të cilat janë alarmante dhe kërcënuese për jetën.
3. Djersitje e tepruar
Disa njerëz jo vetëm që djersiten me vështirësi, por edhe mund të djersiten tepër dhe kjo gjendje zakonisht kalon pa u vënë re dhe injoruar. Djersitja e tepërt quhet hiperhidrozë dhe mund të ndodhë edhe gjatë motit të ftohtë pa ndonjë arsye. Zakonisht u ndodh edhe grave gjatë menopauzës.
Ndonjëherë kjo gjendje mund të jetë e rrezikshme. Nëse përjetoni djersitje dhe humbje peshe, djersitje që ndodh kryesisht gjatë gjumit, ose ndjeni presion në gjoks gjatë djersitjes, atëherë është koha të telefononi një mjek. Nuk ka nevojë të shqetësoheni sepse mund të diagnostikohet me anë të analizave të ndryshme që ju cakton mjeku.
4. Djersë me erë të keqe
Nëse mendoni se djersa në vetvete është me erë të keqe, jeni gabim. Djersa në fakt nuk ka asnjë erë – është plotësisht pa erë. Por kur bakteret në lëkurën tuaj përzihen me djersën, kjo shkakton një erë të pakëndshme dhe kjo është pasojë e stresit.
Ekzistojnë 2 lloje djersash që vijnë nga gjëndra të ndryshme: njëra është zakonisht pa erë nga gjëndrat ekrine kur mbinxehet dhe tjetra është ajo me erë jo shumë të këndshme nga gjëndrat apokrine. Lani zonat ku djersitni në mënyrë efikase dhe vini re se dieta, mjedisi dhe ilaçet ndikojnë të gjitha në erën e trupit tuaj.
5. Djersitje gjatë shtatzënisë
Gjatë shtatzënisë, gratë priren të djersiten më shumë se zakonisht dhe herë pas here është një nga simptomat e para të shtatzënisë. Trupi ndryshon erën e tij kur jeni shtatzënë, edhe para se të kuptoni se jeni gati të keni një fëmijë. Megjithatë, mos e mundoni veten, pasi hunda juaj mund të bëhet super e ndjeshme edhe gjatë kësaj faze.
Shkenca e ka shpjeguar këtë fenomen me arsyetimin se furnizimi me gjak i trupit rritet për shkak të nevojës për të transportuar më shumë oksigjen dhe ushqim te foshnja. Të pish shumë ujë, të bësh dush çdo ditë, të veshësh rroba të gjera dhe të qëndrosh larg ushqimeve pikante janë të gjitha zgjidhjet për të djersitur më pak.
