Ekuinoksi i vjeshtës, momenti kur orët e ditës dhe të natës janë saktësisht të barabarta, bie sot, e hënë 22 shtator, në orën 18:19 UTC (Koha Universale e Koordinuar), që korrespondon me orën tonë 20:19. Në atë moment, Dielli është drejtpërdrejt sipër ekuatorit dhe dita e nata janë saktësisht të barabarta në gjatësi.
Zyrtarisht, Hemisfera Veriore hyn në vjeshtën astronomike, ndërsa pranvera fillon në Hemisferën Jugore. Pavarësisht kushteve të motit, të cilat mund të jenë ose jo në sinkron me kalendarin, fillimi astronomik i vjeshtës është një moment i rëndësishëm, i mbushur me simbole dhe kuriozitete, shumë prej të cilave janë po aq të vjetra sa historia e njerëzimit.
Si shprehje e ekuilibrit midis ditës dhe natës, ekuinoksi ka një kuptim simbolik që daton nga kohërat e lashta. Ndërsa ekuinoksi i pranverës simbolizon rilindjen dhe fillimet e reja, ai i vjeshtës na fton të bëjmë një bilanc, të korrim frytet e punës së verës dhe të përgatitemi për muajt e ftohtë.
Na fton të bëjmë vetëanalizë e të heqim dorë nga ajo që nuk është më e dobishme, ashtu si pemët i hedhin gjethet. Ardhja e vjeshtës është pra koha e përsosur për t’u rikthyer në ekuilibër dhe për të kërkuar harmoni midis ekuilibrit tonë të brendshëm e kozmik, duke i thënë lamtumirë bollëkut dhe gëzimit të verës për t’u rikthyer në ekuilibër dhe pastrim shpirtëror.
Eshtë gjithashtu një kohë për të përfituar nga përvojat e stinës së kaluar, ashtu si në fshat, mbillen të korrat, duke i ruajtur ato për dimrin e ardhshëm. Së fundmi, por jo më pak e rëndësishme, është një kohë për të gjetur ekuilibrin e duhur midis punës dhe pushimit, midis veprimit dhe reflektimit.
Stina e vjeshtës mund të fillojë në kohë të ndryshme në varësi të perspektivës nga e cila vëzhgohet dhe llogaritet. Përveç vjeshtës astronomike, e cila fillon dhe mbaron me dy ekuinokset, ekziston vjeshta meteorologjike, e matur në bazë të temperaturave mesatare të regjistruara gjatë periudhës dhe vjeshta fenologjike, e shënuar nga fenomene natyrore, duke përfshirë zverdhjen e gjetheve, migrimet e zogjve e pjekjen e disa frutave.
