Udhëtimi më i shkurtër me aeroplan është midis Ishujve Orkney të Westray dhe Papa Westray të cilat shtrihen në Skocinë veriore. Shumë prej jush do të habiteni që ky udhëtim zgjat vetëm një minutë e gjysmë. Kjo e bën atë fluturimin më të shpejtë globalisht, me udhëtimin më të shpejtë në këtë rrugë të regjistruar në vetëm 53 sekonda. Këtë rrugë e operon një linjë rajonale skoceze që quhet Loganair. Fluturimi është pjesë e një qarku me tre aeroporte që lidh Aeroportin Westray, Aeroportin Papa Westray dhe Aeroportin Kirkwall. Siç raportohet nga mediet britanike, fluturimet në këtë rrugë filluan në vitin 1967, duke vendosur rekordin për fluturimet më të shkurtra të planifikuara në botë.
Ndërkaq, rikujtojmë se një pilot ka shpjeguar arsyen e vërtetë pse pasagjerët duhet të aktivizojnë modalitetin e avionit ose siç quhet ‘airplane mode’ gjatë fluturimit në telefonin e tyre, një kërkesë që shpesh harrohet ose injorohet, edhe pse ka një arsye të rëndësishme për të. Në një video të shpërndarë, që ka pasur mbi 400,000 shikime, piloti ka adresuar disa mite dhe teorira të gabuara rreth përdorimit të telefonëve gjatë fluturimit.
Pavarësisht spekulimeve se përdorimi i telefonëve mund të shkaktojë rënie të avionëve, piloti e siguron publikun se kjo nuk është e vërtetë. Ai shpjegon se telefonat nuk kanë fuqi për të shkaktuar ndonjë rrezik të tillë dhe nuk ndikojnë në sistemet e avionit. Sidoqoftë, ai thekson se ka një arsye tjetër përse duhet të aktivizohet modaliteti i avionit: telefoni mund të shkaktojë interferenca me kufjet e pilotëve.
Në përgjithësi, të martën dhe të mërkurën janë ditët më të mira të javës për të fluturuar. E enjtja është pak më e shtrenjtë, por ende e arsyeshme. E shtuna është zakonisht dita më e lirë e fundjavës për të fluturuar. Kjo nuk do të thotë që nuk mund të gjeni çmime të shkëlqyera fluturimi në ditët e tjera të javës. Thjesht do të thotë që shanset tuaja për të gjetur bileta ajrore të lira të martën, të mërkurën, të enjten dhe të shtunën janë më të larta se pjesa tjetër e javës. Arsyeja pse ato janë ditët më të mira për të fluturuar është kërkesa, dhe udhëtimet e biznesit janë një faktor i madh. Shumica e udhëtimeve të biznesit zhvillohen të hënën dhe të premten.
