Marshalli i Pakistanit, Asim Munir, i cili është një ndërmjetës kyç nw negociatat midis SHBA-së dhe Iranit, ka mbërritur në Teheran si kreu i një delegacioni të nivelit të lartë, thotë ushtria e vendit.
Delegacioni i Munirit, i cili po dërgon një mesazh nga Uashingtoni, do të takohet me Ministrin e Jashtëm iranian, Abbas Araghchi, dhe do të diskutojë “çështje që lidhen me raundin e dytë të negociatave”, shtoi Transmetuesi zyrtar i Republikës Islamike të Iranit (IRIB), duke cituar burime pakistaneze.
Një figurë kaq e rëndësishme që bën një vizitë diplomatike kaq publikisht është një shenjë pozitive se mund të ketë një raund të dytë bisedimesh.
LEXO EDHE: Trump “harron” shpejt aleatin e tij Viktor Orban: Peter Magyar është njeri i mirë
Ky takim vjen mes një përpjekje më të gjerë diplomatike për një raund të dytë bisedimesh midis SHBA-së dhe Iranit, pasi takimet e nivelit të lartë midis dy vendeve në fundjavë nuk arritën të jepnin ndonjë marrëveshje.
Dje, Presidenti Donald Trump përmendi mundësinë e ndodhjes së “diçkaje” “gjatë dy ditëve të ardhshme” në Islamabad, ku u zhvilluan bisedimet e javës së kaluar, duke i thënë një gazetari të New York Post të qëndronte në qytet.
LEXO EDHE: S’ka zgjatje armëpushimi me Iranin, Trump paralajmëron zhvillime të reja brenda 48 orëve
Irani po vazhdon të shkëmbejë mesazhe me SHBA-në përmes Pakistanit, konfirmoi më herët sot një zëdhënës i Ministrisë së Jashtme të vendit.
