Sot, më 23 shtator 2024, Hava Jashari-Gashi, motra e komandantëve legjendarë Adem dhe Hamëz Jashari, ka ndërruar jetë. Lajmin e trishtë e bëri publik Bekim Hamëz Jashari përmes një postimi në rrjetet sociale, ku shprehu dhimbjen e thellë për humbjen e nënës, motrës dhe hallës së tij.
Me dhimbje të thellë ju njoftojmë për ndarjen nga jeta të HAVA (SHABAN) JASHARI-GASHI, e cila u largua nga kjo botë sot. Ajo ishte një grua e mrekullueshme, e përkushtuar ndaj familjes dhe të dashurve, duke na lënë pas kujtime të vyera dhe një boshllëk të pazëvendësueshëm
– shkroi Bekim Jashari.
Hava Jashari-Gashi do të mbahet mend si një person i dashur, që la pas kujtime të çmuara dhe një ndikim të rëndësishëm në jetën e atyre që e njohën.
