Së fundmi mediat e huaja kanë raportuar se kitara, e përdorur nga kitaristi i njohur Johnny Ramone për gati 20 vjet, u shit në ankand për më shumë se një milion dollarë. Sipas shtëpisë së ankandit, kitara elektrike “Mosrite Ventures II” nga viti 1965 u nxor në ankand së bashku me rekuizita të tjera të përdorura nga grupi “The Ramones”.
Të gjitha u shitën nga Daniel Ray, i cili ishte prodhuesi i disa albumeve të “The Ramones” dhe gjithashtu mori pjesë në shkrimin e disa prej këngëve të tyre. Johnny, e përdori kitarën nga 1977 deri në 1996 në të gjitha shfaqjet, nga të cilat kishte 1,985 në atë periudhë.
Këtu mund të shihni kitarën:
John William Cummings i njohur profesionalisht si Johnny Ramone lindi më 8 tetor 1948 dhe ndërroi jetë më 15 shtator 2004. Ai ishte një kitarist dhe kompozitor për grupin ‘punk rock’, Ramones. Ai ishte një anëtar themelues i grupit dhe së bashku me vokalistin Joey Ramone mbeti një anëtar i vazhdueshëm gjatë gjithë karrierës së tij.
Në vitin 2009, ai u shfaq në listën e “Time” të “10 kitaristëve më të mëdhenj të kitarës elektrike”. Krahas karrierës së tij muzikore, Johnny u shfaq edhe në disa filma, përfshirë “Rock ‘n’ Roll High School” dhe disa dokumentarë. Ai gjithashtu u shfaq në disa shfaqje televizive të tilla si “The Simpsons” dhe “Space Ghost Coast to Coast”. Autobiografia e tij, e titulluar “Commando”, u botua pas vdekjes në 2012. Në libër, shkruhej edhe për dashurinë e tij për bejsbollin.
