Një shkollë në Turqinë perëndimore, ku shkojnë 19 nxënës, është bërë një vend i shenjtë për rreth 30 mace, pasi edhe ato ndjekin mësimet, lëvizin lirshëm nëpër ambientet e saj dhe luajnë me fëmijët gjatë pushimeve. Alatza, Logia, Getse, Gunes, Uzum, Toshiba dhe Pantheras janë emrat e disa prej tyre.
Shkolla, e vendosur në një rreth të Beydag të provincës së Izmirit, kishte një depo të zbrazët që tani përdoret si strehë për macet. Mësuesja Evrim Mutluay, e cila prej rreth 16 vitesh jep mësim, e ktheu magazinën në një shtëpi komode për macet dhe synon të rrisë interesin e nxënësve për lëndët shkollore.
Kur erdha këtu, gjëja e parë që vura re ishte një qëndrim negativ i nxënësve ndaj shkollës, kryesisht për shkak të efekteve të pandemisë. Mendova se çfarë mund të bëja për ta. Kisha disa nxënës që nuk vinin në klasë. Ne siguruam pjesëmarrjen e tyre falë lidhjes që ata krijuan me macet, kështu që ata vazhduan të vinin në shkollë.
Projekti, siç shpjegon ajo, i ndihmon studentët të fitojnë një ndjenjë përgjegjësie, pasi ata duhet të kujdesen dhe të ushqejnë macet.
Ka një lidhje shumë të fortë dashurie mes maceve dhe nxënësve. Me fjalë të tjera, fëmijët që nuk donin të vinin në shkollë, filluan të vizitonin strehën edhe në fundjavë për t’u kujdesur për macet dhe për të pastruar vendin. Ata zhvilluan një qëndrim pozitiv ndaj shkollës.
