Reperi dhe këngëtari amerikan Jelly Roll, emri i vërtetë Jason Bradley DeFord, ka habitur fansat me transformimin e tij fizik, pasi ka humbur rreth 125 kilogramë gjatë tre viteve të fundit.
Megjithatë, në një video të publikuar në YouTube, ai ka pranuar se jo gjithçka ka qenë e lehtë, duke rrëfyer se pas periudhave festive kishte frikë të hipte në peshore dhe të përballej me realitetin e peshës së tij.
Në videon e titulluar “Finally Stepping On The Scale”, Jelly Roll tregoi se gjatë Krishtlindjeve kishte dalë nga rutina, ndërsa një dëmtim në klavikulë e kishte detyruar të ndalonte stërvitjet për një kohë.
Disi dola nga rruga dhe u dëmtova pak para festave. M’u desh të ndaloja stërvitjen për një periudhë
-u shpreh ai.
Pavarësisht vështirësive, ai tha se është ende në proces dhe i ndajnë rreth 18–27 kilogramë nga objektivi final. Në peshoren e fundit, ai rezultoi rreth 125 kilogramë, duke treguar një rritje të lehtë pas një periudhe stabiliteti.
Artisti gjithashtu ka plane ambicioze për të ardhmen, përfshirë pjesëmarrjen në Maratonën e New York City Marathon dhe synimin për të humbur edhe më shumë peshë përpara një operacioni për heqjen e lëkurës së tepërt.
Bashkëshortja e tij, Bunnie Xo, ka folur gjithashtu për ndikimin e këtij transformimi në jetën e tyre private, duke pranuar se ndryshimet fizike kanë sjellë edhe ndryshime në marrëdhënien e tyre.
Sipas saj, humbja e peshës ka ndikuar edhe në aspektin intim të çiftit, duke e përshkruar transformimin si të dukshëm në çdo nivel të jetës së tyre.
