Al Saqi Books, libraria më e madhe në Europë, e specializuar për librat e Lindjes së Mesme, do të mbyllet më 31 dhjetor në Londër. “Ishte një vendim i vështirë për t’u marrë për shkak të sfidave të fundit financiare, si rritja e çmimeve për librat arabë,” tha drejtoresha, Salwa Gaspard, sipas Guardian.
Al Saqi Books në Londrën perëndimore u hap në vitin 1978 dhe shiti libra për Lindjen e Mesme dhe Afrikën e Veriut në anglisht dhe për të gjitha temat në gjuhën arabe. Titujt e saj më të shitur të kohëve të fundit, sipas faqes së saj të internetit, përfshinin librin e gatimit të Asmahan Barwani-t ‘Bukë dhe kripë’, në gjuhën kurde dhe angleze, dhe ‘Poezi klasike’ nga gratë arabe, një libër dygjuhësh në anglisht dhe arabisht.
Rikujtojmë, se një nga atraksionet më të reja dhe me mahnitëse në Dubai është biblioketa “Mohammed Bin Rashid” e cila u hap në muajin qershor. Një oazë soditjeje, ku vizitorët mund të kalojnë kohën duke lexuar, duke punuar ose duke studiuar dorëshkrime të rralla. Ndërtimi i bibliotekës ka kushtuar 272 milionë dollarë dhe ka marrë emrin e sheikut Mohammed bin Rashid Al Maktoum, sundimtar i Dubait.
