Problemet me skalpin shpesh degradojnë duke u bërë më shqetësues sidomos te femrat për shkak të aromës së pakëndshme të flokëve. Duket sikur mamatë, por jo vetëm, edhe gratë në moshë, apo ato shumë të reja, kanë aftësinë të thithin aromat e një ambient ku gatuhet, pihet duhan etj.
Por nëse ju tregoni kujdes maksimal për të shmangur këto ambiente e sërish flokët ju mbajnë erë, atëherë duhet të kuptoni se cili është shkaku.
Kjo mund të vijë jo vetëm si pasojë e higjienës së dobët por edhe nga shkaqe që nuk varen nga ne si mbiprodhimi i yndyrës, ekzema, mosbalancimi hormonal, stresi apo problemeve të tjera shëndetësore të lëkurës ku përfshihen edhe infeksionet e kokës, psoriasis apo myku kërpudhor.
Më poshtë po ju rendisim disa metoda si të parandaloni këtë shqetësim.
Para se të spërkasni parfum mbi flokë, trajtojeni problemin që nga rrënja.
1. Uthulla e mollës parandalon mbiprodhimin e yndyrës dhe gjithçka që duhet të bëni është që në dush t’i shpëlani flokët me uthull molle ! Kujdes duhet përzierë me ujë në raportin 1uthull: 2 ujë, për të mos prishur balancën e pH të kokës. Pas kësaj shpëlajini flokët me ujë të bollshëm.
2. Sode buke
Kjo është një nga metodat më të hershme të neutralizimit të aromave që funksionon mësë miri.
Si ta përdorni:
1. Përzieni ujë dhe sodë buke në raportin 1: 3.
2.Lagini flokët dhe aplikojeni këtë pastë në skalpin e kokës.
3. Lëreni për të paktën 5 minuta.
4. Lani flokët tuaj normalisht.
3. Domate
Lëngu i domates ndihmon në eleminimin e aromave të këqija nga flokët e kjo falë aciditetit në ndihmon në balancimin e nivelit të pH në flokët tuaj.
Si ta përdorni:
1. Lagni flokët me lëngun e domates dhe mbështillini me një qese plasmas për 15 minuta. Lajini flokët normalisht dhe përsëriteni këtë procedurë dy herë në javë për të parë rezultate më të shpejta.
Të mos harrojmë se këto janë disa metoda që funksionojnë nëse problemi i erës së keqe të flokëve lidhet me problemin e skalpit të kokës.
