Buburrecat janë qenie jovertebrore shumë rezistente ndaj sëmundjeve. Njerëzit përdorin insekticide për të frenuar dëmet që shkaktojnë këto buburreca në jetën e përditshme. Këto substanca helmuese për buburreca janë të afta të ndikojnë në sistemin nervor të tyre dhe bëjnë që insektet të kontraktojnë këmbët e tyre në mënyrë asinkrone. Më pas, pesha e tyre trupore dhe tkurrja e gjymtyrëve të tjera anash, bëjnë që buburrecat të kthehen gjithmonë në shpinë kur ngordhin.
Është e qartë se buburrecat mund të ngordhin nga shkaqe natyrore ose rrethana të tjera dhe në këto raste ngordhin në një pozicion normal, por duke qenë një insekt që mund të dëmtojë shëndetin e njeriut, priret të vritet nga substanca vdekjeprurëse, të cilat mund të jenë helme ose lloje të tjera përzierjesh të përbërjeve kimike.
Rikujtojmë, se një kompani dezinfektimi në Shtetet e Bashkuara ka një ofertë unike për ata që duan të fitojnë para. Mjafton të “presin” disa buburreca në shtëpinë e tyre për një muaj. Sipas kompanisë “Pest Informer”, synimi është gjetja e pronarëve të pesë deri në shtatë shtëpive që janë të gatshëm të marrin 2000 dollarë në këmbim të lëshimit të rreth 100 buburrecave në hapësirën e tyre personale.
