WhatsApp, Facebook, Instagram e Messenger, infrastrukturat sociale të ekosistemit të Mark Zuckerberg-ut u rikthyen ndërsa vetë themeluesi kërkoi falje.
Kërkojmë falje për ndërprerjen! E dimë sa mbështeteni në shërbimet tona, për të qëndruar në kontakt me personat që keni për zemër!
Zv.presidenti i Infrastrukturave të Facebook-ut, Santosh Janardhan shpjegoi:
Blackout-i botëror që goditi Facebook-un, Instagramin e WhatsApp-in u shkaktua nga modifikime në konfigurimin e pajisjeve router që bashkërendojnë trafikun e rrjetit me qendrat e tij të të dhënave. Kjo ndërprerje ndikoi mënyrën si komunikojmë qendrat e të dhënave, duke bllokuar shërbimet tona.
Si në të gjithë botën, ashtu edhe në Shqipëri, WhatsApp, Facebook, Instagram e Messenger u bënë të paarritshëm për orë të tëra. Dje rreth orës 17:30, downdetector.com, ku sinjalizohen problemet me platformat në internet po merrte ankesa në nivel global. Në mbrëmje vonë, rinisi funksionimi. Kjo është ndërprerja më e rëndë deri tani e gjigantit të rrjetit social ndërsa ajo më e fundit datonte 19 marsin, por vetëm 45 minuta.
Në Twitter nuk u kursyen dozat e ironisë për ndërprerjen, me hashtagët: #whatsappdown, #instagramdown, #facebookdown.
Hi and happy Monday 😵💫
— Instagram (@instagram) October 4, 2021
