Jennifer Hudson, Celine Dion, Alicia Keys, John Legend, Kelly Klarkson dhe shumë artistë të tjerë vendosën të ishin pjesëmarrës në një koncert të veçantë kushtuar Aretha Franklin.
Mbretëresha e muzikës ‘soul’ ndërroi jetë në muajin gusht të vitit të kaluar dhe pak muaj më pas të gjithë dashamirësit e muzikës së saj janë mbledhur për të kujtuar kontributin që ajo ka dhënë në industrinë e muzikës.
Koncerti u transmetua mbrëmjen e kaluar në CBS dhe prezantuesi i saj Tyler Perry u shpreh se kjo ceremoni ishte një ndër më të veçantat që ai ka moderuar deri tani.
“Me një audiencë prej 5500 personash e vetmja gjë që do të doja ishte të mund të këndoja dhe të ngjitesha në skenë si të gjithë artistët e tjerë” ,-tha Perry për “Detroit Free Press”.